COMMENTARIUS.

In ista quaestione Doctor principaliter intendit duo. Primum est de illis moris, quot fuerunt, an duae vel tres, vel quatuor. Secundum est, quid sint istae morulae sive durationes.

(a) Quantum ad primum potest dict

multipliciter. Haec opinio non improbatur a Doctore si sic intelligatur, videlicet quod in prima mora meruerunt, et in ultimo instanti illius morae praemiati fuerunt, et sic in secunda mora tantum fuerunt in termino. Sed si intelligatur ut ponit Thomas, improbatur a Doctore qui videtur ponere, quod omnes tam boni quam mali fuerunt in gratia, et meruerunt in prima mora: et in secunda boni meruerunt et praemiati sunt: mali demeruerunt et damnati sunt, sic dicit: Omnes (inquit) in gratia creati in primo instanti meruerunt, sed quidam eorum statim impedimentum praestiterunt suae beatitudinis, praecedens meritum mortificantes, et ideo beatitudine, quam meruerunt sunt privati. Haec ille. Caetera patent.