Saec. XVII. 1605.

0215B Paris. sumptibus soc. typ. sub. insigne magnae Navis. f. D. H. P. E. Opera; ex collatione vett. codd. emendata, variis lectionibus illustrata et quorumdam tractatuum accessione locupletata studio et cura Joannis Gillotii, C.

Typographi, quid in hoc negotio a se praestitum sit, explicant his verbis: «Primum, inquiunt, ab eo, qui praelegere preloque adornare libros excudendos solet, Hilarii opera curavimus cum optimis quibusque mss. conferri, quos nobis—suppeditarunt ad libros de Trinitate Nic. Faber, ad Tract. in psalmos Jacobus Bongarsius, ad comm. in Matt. recensendos Paulus Petaveus Sen. Paris. Deinde vero cum adscriptis ad oram marginis variis lectionibus suam nobis operam vir quidem doctissimus non denegasset, ut earum delectu habito, quae jam receptis praeferendae 0215C viderentur, reliquas expungeret, visum est etiam ab altero impetrandum, ut eas, quae in superioribus editionibus toleratae fuerant, sub libri calcem, colligeret: ne forte a te illae quoque desiderarentur, sive quod earum verbis alibi citata testimonia quaedam possent occurrere, sive quod utrum his novis posthabendae fuerint, judicio tuo velles expendi. Adjecimus praeterea fragm. ex op. histor. quae an. 1598, ( apud Ambros. Drouar. Nic. Fabri opera v. c. P. Pithoeus publici juris fecit, et exscriptos ex iisdem mss. libris Tractatus in psalmos XIII, XIV, CXLIX et CL.»—Nec tamen multo puriora H. scripta his curis prodiisse, Benedictinorum est judicium, sive quod is, qui Vr. lectt. selegendis operam suam commodaverat, judicii fuerit non admodum exquisiti, 0215D sive perfunctorie hoc obierit; ita saepenumero mutavisse, quae retinenda fuerant, et contra quae fuissent mutanda, retinuisse eum notant. Sed et Parisienses typographi, inquiunt, qui quod artis suae non erat aliunde mendicarunt, ita neglexerunt, quod erat industriae suae, ut eorum editioni prae multitudine mendorum, facile anteferendae videantur Basileenses.