1693.

0216B Parisiis Exc. Franc. Muguet (Regis, Cleri Gallicani et illustriss. Archiep. Par. typogr.) f. S. H. P. E. opera ad manuscriptos codices gallicanos, romanos, belgicos, nec non ad veteres editiones castigata; aliquot aucta opusculis, praeviis in locos difficiles disputationibus, praefationibus, admonitionibus, notis, nova S. Confessoris vita, et copiosissimis Scripturarum, Rerum, Glossarum indicibus locupletata et illustrata, studio et labore Monachorum Ordinis S. Benedicti, e Congregatione S. Mauri.

Egregia prorsus Benedictinorum opera effectum est, ut Hilarius non modo purior et emendatior prodiret tandem, sed et intelligeretur facilius et legeretur commodius. Textum enim summa consideratione adhibita ad codd. mss. in unum conspirantium fidem 0216C expresserunt, variantibus, quarum ingentem copiam ex omni Gallia, Britannia Italiaque conquisiverant, ubi minus tuta videretur castigatio, in margine appositis. Rationem vero mutatarum pristinarum lectionum notulis subjectis sat frequentibus (quibus tamen nemo lectorum, ut ipsi veriti sunt, irascetur puto) explicaverunt. Iisdem notis illustrantur et explicantur locutiones inusitatae, implexae phrases, sententiae singulares; ex aliorum eruditorum operibus, quicquid ad gestorum, quae Hilarius attingit, notitiam faciliorem conduceret, allatum; loca pugnantia aut suspecta composita et ex ipsiusmet potissimum verbis ab errore vindicata. Momenta quaedam celebriora aut difficiliora in prolegomenis curatius expedita sunt, ut ipsius scripta non prius offerrentur, 0216D quam praecipuae suspicionum nebulae prorsus fuissent dissipatae. Quod ad commodiorem operis usum attinet, praemissas habes singulis operibus admonitiones aut praefationes, in quibus quicquid ad operis occasionem, tempus, scopum, veritatem et id genus alia spectant, ipsi explicuerunt, subnexa etiam inter dum totius operis synopsi. Praeterea argumenta brevibus summariis in ora librorum indicata, tractatus ipsi in varios numeros sunt distincti. Ordo totius voluminis is est, ut praemissa epistola nuncupatoria ad Card. Caes. Estraeum in praefatione generali de edd. opp. Hilarii, operibus deperditis, causis obscurati sermonis Hilarii, denique de fine hujus editionis disserant tum difficiliores Hilarii sententias, quales 0217A sunt de conceptione Christi, etc. diffuse explicare conentur monachi eruditi. Quibus omnibus triplex vita Hilarii, 1º ex ipsius scriptis collecta, 2º ex Hieronymo et 3º Fortunato auctore, libris II, nec non Petri Damiani sermo de translatione S. Hilarii subjicitur.—Opera Hilarii hac serie sese excipiunt: Comment. in Psalmos in Matthaeum, l. XII, de Trinitate. Lib. de Synodis. Responsa apologetica ad reprehensores superioris libri (hic primum edita). Ep. ad Abram. Aymnus ad eamdem. L. I ad Constantium L. II ad Constantium. L. contra Const. L. contra Auxentium. Fragmentum libri, in quo historia Ariminensis et Seleuciae synodi continebatur. Fragmenta ex aliis operibus. Porro appendicis loco: Carmen in Genesin. L. de Patris et Filii unitate; 0217B L. de essentia Patris et Filii; Fides Alcuini sub nomine Hilarii graece versa; Nic. Fabri praefatio in Hilarii fragmenta, notulis ad oram a Benedictinis adscriptis; syllabus mss. ad quos recognita sunt H. opera; Index triplex locorum S. S. rerum, sententiarum et glossarum.