CAPUT XX. De gula.

Gula, ut ait Augustinus, est immoderata cibi aviditas. Item, Gula est vorax edacitas naturae finibus non contenta.

Quinque modis peccatur circa gulam, ut dicit Gregorius. Primo, cum quis horam comedendi praevenit : et hoc fit per impatientiam exspectandi tempus debitum. Secundo, cum quis quaerit cibaria pretiosa et deh?ata, de quibus Ovidius :

Est virtus placitis abstinuisse cibis.

Sed contra hoc fecit dives ille, qui epulabatur quotidie splendide . Tertio, quando quis mensuram excedit, scilicet nimis comedendo. Sciendum tamen, quia quod uni nocivum est, alteri est remedium, sic et quod uni est medium et mensura debita, hoc alteri est excessus. Unde non consistit mensura in cibi quantitate, sed in comedentis qualitate. Verumtamen quidam jejunium suum recompensant postmodum nimietate superflua : sed hoc quid aliud est, quam dare duos obolos pro uno denario ? Quarto, quando nimis ardenter ac festive quis comedit, non enim usus ciborum, sed concupiscentia in vitio est. Quinto, quando quis cibaria sua nimis studiose praeparat. Unde Bernardus : " Non sapores, sed fames " excitet appetitum. In omnibus his su-" menda sunt non quae voluptas, sed " quae requirit necessitas. "

Contingit etiam peccatum esse circa diminutionem cibi, sicut circa superfluitatem. Filiae gulae sunt quinque secundum Gregorium. Prima est scurrilitas, quia gula movet ad verba scurrilia. Secunda, multiloquium, scilicet detractio, vituperia, et alia verba inania. Tertia, inepta laetitia, id est, lascivia carnis, sive gestus corporis inordinatus, lasciviam mentis demonstrans. Quarta, immunditia, quae solet provenire ex gula, ut est vomitus, et eruclationes foetidae, ac luxuria. Quinta, est hebetudo mentis, id est, subversio rationis.

Gula duo complectitur, scilicet comessationem et ebrietatem : et proprie lo-

quendo parcimonia opponitur comessationi, et ebrietati sobrietas.

Gula nocet multipliciter. De paradiso ejicit hominem : exemplum in Adam . Spiritualia bona perdit: exemplum in Esau, qui pro cibo vendidit primogenitura m . Diabolo domum praeparat. Matth. VIII, 30 : Si ejicis nos hinc, mille nos in gregem porcorum. Servum contra dominum animat. Proverb. XXIX, 21 : Qui delicate nutrit servum suum, sentiet eum contumacem. Luxuriam inducit: exemplum de Lot . Homicidia perficit: exemplum de Joanne Baptista, qui in convivio periit . Inducit mortem naturae. Eccli, xxxvii, 34 : Propter crapulam multi obierunt. Genes. II, 17 : In quocumque die comederis ex eo, morte morieris. Inducit mortem culpae. I ad Timoth. IV, 16 : Vidua quae in deliciis est, vivens mortua est. Inducit mortem gehennae. Luc. XVI, 22, dives epulo sepultus est in inferno.

Remedia gulae sunt quatuor. Primum est spiritualium ciborum frequens sumptio. Matth. IV, 4 : Non in solo pane vivit homo,etc. Se cundum est futurae carnis nostrae consideratio. Hieronymus : " Fa" cile contemnit omnia, qui se semper " cogitat moriturum. " Tertium est aetercoenae meditatio. Luc. XIV, 16 : Homo quidam fecit caenam magnam. Quartum est famis Christi et suorum pensatio. Thren. III, 19 : Recordare paupertatis... meae, absynthii, et fellis.