CAPUT XXIII. De resurrectione Christi.

Christus resurrexit tertia die a mortuis, resumendo corpus non tale quale prius habuit, sed impassibile et immortale. Caro enim Christi, quae in nativitate floruit, in passione aruit, per gloriam resurrectionis refloruit, et renovata est, ut aquilae, juventus Christi , : tunc leo catulum suum suscitavit2: tunc phoenix revixit 3 : tunc, sicut dicitur, Jerem, xviii, 4, tigillus ex eodem luto fracti vasis fecit vas aliud, sicut placuit in oculis ejus. Tunc Jonas de ventre ceti illaesus exivit : tunc vestitum est candelabrum auro h : tunc suscitatum est tabernaculum David quod cecidit6 : tunc refulsit Sol, qui prius erat in nubilo : tuus vivificatum est granum frumenti, quod cadens in terram mortuum fuerat8 : tunc cervus resumpsit cornua : tunc Samson tulit portas cum postibus : tunc Joseph eductus de carcere tondetur, et constituitur dominus aegypti10 : tunc conscissus saccus circumdatur laetitia.

Dominus probavit resurrectionem suam esse veram per Angelos, qui non mentiuntur. Matth, xxviii, 5 : Respondens autem Angelus dixit mulieribus, etc. Item, per inimicos, quorum validissimum est testimonium. Matth, xxviii, 11 : Ecce quidam de custodibus venerunt in civitatem, et nuntiaverunt principibus Sacerdotum, etc. Item, probavit eam non arte magica factam, et hoc per comestionem. 12. Item, non esse phantastici corporis, et hoc per tactum. Item, probavit in eodem corpore, quo passus est factam, et hoc per ostensionem cicatricum. Item, probavit eam fuisse in corpore glorificato unito deitati, et hoc per ingressum in domum januis clausis. Item, probavit eam multis apparitionibus. Apparuit enim ipsa die resurrectionis quinquies. Primo, Mariae Magdalenae, Joan xx, 15 : Mulier, quid ploras? Secundo, mulieribus redeuntibus a monumento . Tertio, Petro, sed non invenitur modus. Quarto, duobus discipulis euntibus in Emmaus. Quinto, discipulis congregatis propter metum Judaeorum, januis clausis, quando Thomas non fuit cum eis .

Item, apparuit inter resurrectionem et ascensionem quinquies, scilicet Thomae cum aliis20. Secundo, discipulis piscantibus ad mare Tiberiadis. Tertio, discipulis in monte Thabor. Quarto in Jerusalem.Quinto, quando comedit cum discipulis.

Multis de causis surrexit Dominus. Ut Scripturas impleret. Quando enim Dominus dixit: Ecce ascendimus Jerosolymam, etc, subjunxit : Et die tertia resurget. Ut nos ad surgendum spiritualiter provocaret, quia turpe est ut sedeat servus, quando coram eo surgit Dominus. Ut futuram resurrectionem esse probaret. Ut potentiam suae divinitatis ostenderet, quia mortuos suscitare non est opus naturae, sed potentiae divinae. Non est enim regressus a privatione ad habitum. Ut nos ad contemnenda terrena pro adipiscenda tali gloria animaret. Surrexit Christus velociter, quia tertia die. Nam sicut januis clausis ad discipulos intravit, et sicut salva virginitate de utero matris exivit, sic eum mortuum nec petra in qua jacuit, nec militum custodia potuit retinere integraliter, quia in corpore et anima. Socialiter, quia multa corpora sanctorum qui dormierant, surrexerunt. aeternaliter. Apostolus, ad Roman. VI, 9 : Christus resurgens ex mortuis jam non, etc. Similiter surgendum est nobis spiritualiter, sicut eis modis resurgemus die judicii corporaliter .

Resurrectio Christi est causa et figura nostrae resurrectionis spiritualis. Causa dico motiva, et hoc dupliciter, quia causa motiva est in comparatione nostri. Dum enim consideramus gloriam resurrectionis Christi, movemur ad surgendum in novitate vitae .

Item, causa motiva est in consideratione Dei Patris : quoniam Pater dans resurrectionem Filio, movetur ad dandam eamdem gloriam fratribus suis : sicut rex quando facit filium suum militem, movetur amore filii, ut cum eo faciat multos milites. Figura vero fuit,quia sicut Christus surrexit in novitate vitae, ita et nos in novitate vitae ambulemus . Item, sicut diem resurrectionis Christi praecessit dies mortis in Parasceve,et dies quietis in sabbato sequenti, ita gloriam resurrectionis nostrae praecedat in nobis mortificatio membrorum et vitio-

rum,et quies contemplationis aeternorum.

Nota,quod sicut duplex est mors, scilicet animae per culpam, etcorporis per exstinctionem, ita duplex est resurrectio,scilicet animae per gratiam, et corporis per gloriam. Et sicut animae mors causavit mortem corporis, sicut habetur,Genes.III, 19,ita e converso resurrectio animae causabit resurrectionem corporis gloriosam.

Sciendum autem, quod quidam resuscitantur ficte, sicut Samuel, qui licet vere Sauli apparuerit, ut habetur, I Regum, xxviii, 11 et seq., non tamen vere resuscitatus fuit, ut quidam dicunt. Quidam imperfecte, sicut Lazarus iterum moriturus . Quidam perfecte, sicut Christus semper victurus . Prima resuscitatio significat conversionem, sive paenitentiam hypocritarum. Secunda, recidivantium.Tertia, perseverantium.