CAPUT XX. De effectu passionis Christi.

Effectus passionis Christi multiplex est, sicut patet in his versibus :

Passio debilitat, spoliat, informat, honorat, Excitat, inflammat, reparat, pacem dat et ar- jniat,

Sanat, vivificat, ducit, duleorat, obumbrat, A culpa revocat, reserat, illuminat, ornat.

Primo, passio Christi debilitat virtutem daemonum. Job, xl, 19 : Quasi homo capiet Leviathan. Spoliat infernum. lsa. viii, 3 : Voca nomen ejus: Accelera spolia detrahere. Informat per exemplum. I Petr. II, 21 : Christus passus est pro nobis, vobis relinquiens exemplum : unde Christus est quasi liber positus in pulpilo crucis, ut discamus obedientiam, patientiam, humilitatem, et charitatem.

Disce autem specialiter quomodo se habuit in capitulo quod sibi tenebatur. Unde Bernardus : " Stetit Jesus coram " praeside inclinato capite, vultu placido, " sermone raro, voce submissa, deflexis " in terram adspectibus, paratus ad op-" probria, ad verbera promptus. "

Honorat imitatores suos. Esther, VI, 9 : Sic honorabitur quemcumque voluerit rex honorare. Excitat ad pugnam spiritualem. I Machab, VI, 34 : Elephantis ostenderunt sanguinem. Inflammat ad diligendum. Bernardus : " Succ per omnia te mihi reddit amabilem, " boue Jesu, calix quem bibisti, opus " redemptionis nostrae. " Reparat naturam angelicam\. Ipse enim Christus est lapis angularis , qui fecit utraque unum. Pacem dat inter Deum et hominem, et inter Angelum et hominem, et inter hominem et hominem. Eccli. xliv, 17 : In tempore iracundiae factus est reconciliatio. Armat contra mundum, carnem et diabolum : unde significatur per clypeum, quem levavit Josue contra Hain . Sanat mentis vulnera. Numer. XVI, 9, adspicientes in serpentem aeneum sanabantur. Vivificat spiritualiter. Apostolus, ad Ephes. II, 5 : Cum essemus mortui peccatis, convivificavit nos, etc. Augustinus : " Mortuus est unicus, " ne maneret unicus. " Ducit per mare

hujus mundi. Exod. IV, 17, de virga Moysi Dulcorat. Exod. xv, 25, de ligno misso in aquas Mara. Obumbrat. Cantic. II, 3 : Sub umbra illius quem desideraveram sedi. A culpa revocat. Isa. lxii, 5 : Attritus est propter scelera nostra. Reserat caelum. Isa. XXII : Dabo clavem domus David, scilicet crucem, super humerum ejus. Illuminat, Unde crux est quasi candelabrum tabernaculi. Item, Tobias illuminatus est per fel piscis . Ornat. Unde dixit beata Agnes : " Et sanguis ejus ornavit genas " meas, "

Christus passione sua vicit diabolum. quem ligavit : infernum, quem spoliavit : mortem, quam superavit : mundum, quem contempsit : supplicium, quod pertulit : caelum, quod aperuit.

Passio Christi tollit septem vitia capitalia. Tollit enim superbiam capitis inclinatio, per quam videbatur titulum crucis fugere, in quo scriptum erat : Rex Judaeorum. Invidiam, brachiorum extensio, quasi ad amplexum invitans. Avaritiam, multorum erogatio, quae in passione tradidit. Bernardus : " Disce, " Christiane, quantum debeas diligere " Christum, qui dedit nobis carnem " suam in cibum, sanguinem suum in " potum, animam in pretium, aquam " lateris in lavacrum, vestem crucifi-" xoribus, corpus discipulis, matrem " Joanni. " Acediam, festinatio ad passionem. Iram, mollis responsio. Gulam, fellis et aceti potatio. Luxuriam, lateris vulneratio.

In redemptione nostra fuit gratia mirabilis. Primo, ex parte motivi, quia charitas Dei. vidit, quod nec per amicos, nec per pretium poteramus nos redimere : propterea fratrem nostrum se fecit, nostram naturam assumendo, et pretium dedit, sanguinem suum pro nobis fundendo. Respice in me, Domine, et miserere mei, quia unicus, id est, non ha- bens amicos, et pauper, id est, non habens pretium, sum ego . Secundo, ex parte redimentis, qui cum liberare non posset ex potentia, fecit hoc potius Ex misericordia, ut ad amorem suum nos adstringeret, et justitiae suae satisfaceret Tertio, ex parte redempti, qui opprimebatur criminum servitute, et detinebatur in carcere. Sed contra primum, magnum erat quod filius servus fieret, et servus fieret liber. Contra secundum magnum fuit, quod Dominus ad carcerem limbi descenderet, ut servus exiens caelum ascenderet. Quarto, ex parte justitiae,quia nulla justitia dictabat, ut innocens puniretur pro reo. Quinto, ex parte excellentiae divinae, quia mirum erat, quod impretiabile ponebatur sub pretio vilis creaturae . Sexto, ex parte pretii dati. Si enim redemisset nos sole, adhuc ad gratias teneremur : nunc autem redemit nos anima, corpore, et vita, ut nihil horum sibi subtraheremus.

Circa passionem Domini nota septem Su

suavitatis, scilicet capitis inclinationem

ad osculum, in signum nostrae reconciliationis. Brachiorum extensionem ad amplexum, in signum receptionis in gratiam de peccato redeuntis. Lateris apertionem propter effusionem pretii nostrae redemptionis et ablutionis. Exivit enim sanguis, et aqua . Clavorum in manibus et pedibus infixionem, propter memoriam nostrae recordationis. Isa. xlix, 15 : Numquid oblivisci potest mulier infantem suum? Corporis denudationem, in exemplum nostrae confessionis, quae scilicet debet esse nuda. Crucis portationem, in exemplum nostrae imitationis. Coronae spineae impositionem, in figuram nostrae glorificationis

De effectu passionis Domini, ait Augustinus : " Per redemptoris nostri mortem de tenebris ad lucem, de morte ad vitam, de corruptione ad incorruptionem, de exsilio ad patriam, de luctu ad gaudium, de terris ad caeleste regnum vocati sumus. "

Item,dicit Augustinus quod Christus fuit sacerdos,per quem reconciliati sumus,fuit templum,et hostia qua reconciliati sumus, fuit Deus, cui reconciliati sumus. Christus luit mediator populi Judaici et Gentilis, et secundum hoc dicitur lapis angularis . Item, hominum et Angelorum, et secundum hoc dicitur pacificus . Item Dei, et hominum, et secundum hoc dicitur Redemptor. ''Bernardus : " Quid " ultra debuit facere,et non fecit? Absol-" vit vinclum, illuminavit caecum, re" duxit erroneum, reconciliavit reum. " Item, Augustinus : " Ecce pro impio " pietas flagellatur, pro stulto sapientia " illuditur, pro mendace veritas negatur, " pro iniquo damnatur justitia, pro cruce deli misericordia affligitur, pro misero " sinceritas repletur aceto, dulcedo felle " imbuitur, pro mortuo via moritur. "

Christus pro nostra infirmitate medicinas accepit, in se. Curavit enim nos per diaetam, quando jejunavit quadraginta diebus, etc. . Per sudorem, quando factus est sudor ejus, sicut guttae sanguinis . Per minutionem, quando fuit clavis et lancea vulneratus .Per potionem, quando gustavit acetum cum felle mixtum .Per emplastrum, quando ejus facies fuit sputis illita . Per electuarium, quando corpus et sanguinem dedit in caena discipulis .