CAPUT XXVII. De potentia Dei.

Potentia Dei duplex est, scilicet absoluta, et ordinata. Multa vero potest primo modo, quae non potest secundo modo, quia multa subsunt suae potentiae, quae non conveniunt sibi, ut facere mala : posset tamen omnia congruentia, et sic posset ea facere. Deus Pater omnia potest omnibus modis, quia potest producere de non esse in esse, et hoc per creationem. Item, potest ex incompleto completum facere, et hoc per propagationem. Item, potest mutare unum completum in aliud completum, sicut patet in transsubstantiatione panis in corpus Christi . De talibus dicit Augustinus : " Demus

" Deo aliquid posse, et nos intelligere " non posse. " Potentia Dei apparet in mundi initio, medio, ac fine. In principio quidem, quia res creavit de nihilo . In medio autem, quia res ne in nihilum vertantur, sua potentia continet . In fine vero, quia mortuos mira celeritate suscitabit .Apparet quoque potentia Dei in rebus spiritualibus, quia cum diabolus potestatem habeat in nobis immutandi sensum, et phantasiam, Angelus autem habeat potestatem super hoc et super intellectum, solus Deus non solum habet potestatem super tria praedicta, sed etiam potest mutare voluntatem. Augustinus dicit quod " Deus nos praevenit " ut velimus,et subsequitur ne frustra, ve-" limus. "

Licet Deus sit omnipotens, tamen non attribuuntur ei actus culpabiles, ut men.firi, et male velle : nec poenales, ut metuere, et dolere : nec corporales, ut comedere, et dormire, nisi forte transumptive : nec actus inconvenientes qui possunt esse tripliciter. Primo, si aliquis actus contradicit divinae potentiae, ut est facere majorem se. Secundo, si contradicit ejus veritati, ut est facere aliquid simul esse et non esse, vel quod praeteritum sit futurum. Tertio, si contradicit ejus bonitati, ut damnare Petrum, et salvare Judam, De his Anselmus : " Quod-" libet inconveniens, etiam minimum, " impossibile est apud Deum. " Horum autem haec est ratio, quia potentia Dei cum sit perfectissima, nec est de nihilo, nec est sub aliquo : unde non potest deficere peccando, nec succumbere patiendo, nec egere, subsidium in aliquibus quaerendo, ac per hoc nec culpabilia, nec paenalia, nec materialia potest.

Dicendum quoque, quod Deus potest omnia per se, vel .per creaturam. Illa dico omnia posse, quae sunt potentiae : hoc autem ideo dicitur, quia posse peccare non est potentiae, sed infirmitatis :

Deo autem competit perfectum posse, et perfectum divinum, de quo Dionysius : " Dominatio est non pejorum excessus " tantum, sed omnium pulchrorum et " bonorum omnimoda et perfecta pos-" sessio, firma et non valens cadere for-" titudo. "

Notandum ergo, quod quaedam operationes attribuntur Deo secundum causalitatem, et non secundum essentiam, ut comedere, currere : quaedam secundum essentiam, non secundum causalitatem, ut justificare, creare : quaedam nec sic, nec sic, ut peccare.