CAPUT V. De conceptione dominica.

Mox ut Virgo beatissima assensum Angelo praebuit dicens : Fiat mihi secundum verbum tuum , Spiritus sanctus super eam venit, ac Filium Dei concepit. Haec autem tria simul fuerunt tempore, non natura : tunc impleta sunt praeambula figurarum, et documenta Scripturarum, et desideria Prophetarum : propter quod etiam adventus Christi dicitur plenitudinis temporis .

Quare autem Christus nec prius, nec posterius venerit, nonnullae sunt rationes.

Prima est, ut ordinem universi non turbaret. Singula namque suis fiunt temporibus, quanto magis maximo Dei opere, scilicet Filii Dei incarnatione.

Secunda, ne fides et spes promissa incarnatione, et nimis tardata perirent. Si enim tardasset venire, quotidie decreissent homines in fide et tepuissent. Sed prius venire non fuit necesse, quia non prodest medicina spiritualis sine affectu recipientis.

Tertia est, ut supremae infirmitati culpae immediate succederet melioratio, sicut summum statum acutae febris sequitur crisis et sanatio.

Quarta, ut homo de lege naturali et scripta prius convinceretur, sicut ait Augustinus, quia si Christus statim venisset, diceret homo, quod per legem naturae salvari poterat, et superfluum crederet adventum Christi. Similiter dicere poterat de lege scripta. Sed comperto, quod nec sic, nec de salvari poterat, cum omnes ad inferos descenderent, tunc venit ipse, quia tunc erat tempus miserendi ejus.

Quinta, ut sicut primus homo conditus fuit sexta die , ad totius mundi complementum, sic Deus homo fieret in sexta aetate, ad totius creaturae perfectionem. Sexta enim aetas apta est Ad exercitium sapientiae, ad remissionem culpae, ad meritum vitae aeternae, ad transitum de statu miseriae ad statum gloriae, et ista notantur in sexta, aetate ratione perfectionis senarii.

Sexta, quia Christus non debuit venire in principio temporis, quia adventus ejus nimis fuisset festinus : nec in fine ultimo, quia tunc nimis fuisset tardus : sed decebat Salvatorem inter tempus morbi, et tempus judicii introducere tempus remedii.

Septima, quia decebat ducem perfectum tunc se ostendere, cum esset opportunitas currendi ad bravium, hoc est, in fine temporum, et tamen ante terminum, ut per timorem judicii stimulati, per spem praemii attracti, et per exempli perfectionem animati, sequi possemus efficaciter ducem nostrum.

Octava, quia decebat mediatorem quaedam membrorum suorum praecedere, quaedam sequi.

Incarnationem Christi multae figurae praecesserunt, et Prophetiae, de quibus aliquas assignemus. Descendit Abram in aegyptum, ut peregrinaretur ibi . Abscissus est Lapis de monte sine manibus . Fluvius egrediebatur de loco vo Inpiatis ad irrigandum paradisum . Sapientia aedificavit sibi domum, excidit columnas septem . Fecit rex Salomon

thronum de ebore grandem i Creavit Dominus novum super terram : Foemina circumdabit virum . Jonas in mare projicitur, et mare sedatur . Stillabunt montes dulcedinem , Descendi in hortum nucum, ut viderem poma convallium . Vellus Gedeonis rorifieatur . Manna servatur in urna aurea . Virga Aaron floret . Flos de radice ejus ascendet . Emittitur columba de arca Noe . Mittitur lignum in aquas Mara . Paradisus plantatur 2. Moyses ponitur in fiscellam scirpeam . Israel induit Joseph tunica polymita . In sole posuit tabernaculum suum . . Duo viri ferunt in vecte botrum de terra promissionis . Mittitur Joseph in cisternam . Urbs fortitudinis nostrae Sion : Salvator ponetur in ea murus . Emitte agnum, Domine . Rorate, caeli, desuper, etc. 20. Dominus ascendet super nubem levem Misericordia ei veritas obviaverunt sibi . Gemma carbunculi in ornamento auri . Simul in unum dives et pauper . Ego primus et novissimus . Charitate perpetua dilexi te . Mittitur Daniel in lacum leonum . Apparet in camino quartus similis filio hominis . Umbra descendit in horologio Achab decem gradibus . Ignis apparet in rubo non comburens . Solem nube tegam . Quid lucidius sole ? et hic deficiet . A summo caelo egressio ejus '' .