CAPUT IX. De quatuor modis quibus decipiet.

Merito comparatur Antichristus cerasii , qui est serpens cornutus : quia quatuor cornibus armabitur, scilicet callida persuasione, miraculorum operatione, donorum largitione, et tormentorum exhibitione.

Primus ergo modus subvertendi homines erit callida persuasio. Praedicabit enim legem novam pravam esse, et legem Christi pro posse destruet . Prae- dicatores enim sui discurrent per universas partes mundi. Impedient quoque Apostoli Antichristi ne Scriptura secundum veritatem exponatur a catholicis Doctoribus vel a fidelibus audiatur : ipsi autem bonos se simulabunt, et tamen mala suadebunt.

Secundus modus subvertendi erit per fallacia miracula : quia per artem magicam illa faciet. Unde Glossa super Apocalypsim, XIII, 15 : Magica arte statuam faciet loqui, et futura praedicere, et faciet, sicut dicitur, Apocal. XIII, 13, ignem de caelo descendere in terram. Glossa, id est, malignum spiritum faciet super eos descendere, ut loquantur variis linguis. Spiritus enim malignus descendet in eos in conspectu hominum, sicut Spiritus sanctus descendit in Apostolos Christi . Unde jactabunt se esse meliores Apostolis Christi, qui Spiritum acceperunt in conclavi. Item, per artem magicam simulabit se mortuum, et feretur adaemonibus in aera, quasi ascendat in caelum : et sic putabitur ab hominibus resurrexisse, qui prius mortuus putabatur : et tunc mirabuntur populi, et adorabunt eum, atque laudabunt. Ecclesia vero non faciet tunc miracula. De hoc modo decipiendi dicitur, Psal. x secundum He- braeso, 9 : Insidiatur in abscondito, quasi leo in spelunca sua. Glossa : " Recte Antichristus comparatur leoni existenti in spelunca : quia in eo vis et dolus operatur. " Vis enim per leonem, dolus per speluncam intelligitur. Gregorius : " Pelice senius quae erit humanae mentis illa " tentatio, quando prius martyr corpus " tormentis subjiciet, et tamen tortor " ante ejus oculos miracula faciet. " Sicut enim Antichristus finget se a mortuis resurgere, ita etiam finget se ad caelum ascendere.Apocal.xiii,12 : Cujus, scilicet bestiae, plaga mortis curata est. Glossa : " Arte magica ascendet Anti-

christus in aera, ferentibus eum daemonibus. Faciet arbores cito florere, arescere, mare turbari.naturas in diversas figuras mutari : mortuos etiam in conspectu hominum suscitabit. "

Tertio, decipiet per munera. Ipse namque Antichristus inveniet thesauros absconditos, per quos ad sequendum se inclinabit plurimos : ditabit enim bonis divites hujus saeculi, et tunc eorum falsam felicitatem ad decipiendum alios ostendet.

Quarto, compellet per minas, et tormenta, quos aliter vincere non poterit. Tanta vero, sicut ait Dominus, tunc erit tribulatio, ut in errorem inducantur, si fieri potest, etiam electi : et hoc innuitur, Apocal, I, 15, ubi dicitur : Pedes ejus similes aurichalco, sicut in camino ardenti. Per pedes ultima Christi membra, per caminum vero vehemens tribulatio designatur. Exhibebit enim cuncta quae in praecedentibus martyribus impleta sunt genera tormentorum, sed in illis regionibus tunc fideles maxime sunt vexandi, et vehementius, ubi Dominus fuit crucifixus. Et dicit Haymo super Apocalypsim : " Illa tentatio non per partes, " sed simul totum examinabit mundum: " Solventur enim daemones, qui modo " ligati sunt, ne possint nocere quantum " vellent. Fideles quoque illo tempore " non praedicabunt, quia tamquam ex" communicati habebuntur tunc boni. " Nihil vendetur eis, nec emetur ab eis, " nisi habeant characterem, id est, sig-" num aliquod ad litteram, ut adhaeren" tes sibi cognoscantur, et alii interfician-" tur. Aut nomen bestiae, id est, confes-" sionem oris : aut numerum nominis " ejus, id est, multiplicationem operum, " ut habetur in Apocalypsi . Antichri-" stus autem sicut erit crudelior omnibus " persecutoribus, ita sancti tunctempo-" ris fortiores erunt omnibus retro mar"tyribus. "