Acta Apostolicae Sedis - Commentarium Officiale202

ACTA CONGREGATIONUM

CONGREGATIO DE CAUSIS SANCTORUM

MONASTERIEN.

Beatificationis seu Declarationis Martyrii Servi Dei Gerardi Hirschfelder,

Sacerdotis Dioecesani ({ 1.VIII.1942)

DECRETUM SUPER MARTYRIO

«Noli erubescere testimonium Domini nostri neque me vinctum eius, sed

collabora Evangelio secundum virtutem Dei » (2 Tm 1, 8).

Adhortatio haec Sacrae Scripturae ad opera Servi Dei Gerardi Hirschfel-

der immittit, qui usque ad mortem fidei suae et infiniti amoris Domini

testimonium praebere valuit.

Servus Dei die 17 mensis Februarii anno 1907 Glacii in Silesia regione,

quae tunc temporis pars erat Germaniae, natus est. Post frequentatum civi-

tatis suae gymnasium catholicum, diplomate maturitatis ad studia superiora

ineunda die 3 mensis Martii anno 1927 honestatus, vividum desiderium vitam

suam omnino Domino dicandi vocationem sacerdotalem amplectans aperte

professus est.

Ab Eminentissimo Cardinale Adolfo Bertram die 31 mensis Ianuarii anno

1932 presbyteratu auctus est et primam Missam Langenoviae in Conventu

Sacratissimi Cordis Iesu celebravit. Munus postmodum cappellani Servus Dei

suscepit Cerbenae, quae vicus erat prope limina Bohemiae. Hoc officio usque

ad mensem Februarii anni 1939 functus est, cum repugnantiae

discordiarumque causa, quae cum Partis Nationalis Socialistae asseclis loci

habuerat, Suerdiam translatus est: Servus Dei, enim, ob strenuam suam verbi

Dei praedicandi atque catechesis tradendae actuositatem, cum indolem

commenticiam et religioni infensam nefariae, sed tunc praepollentis,

nazistarum doctrinae hic omnimodo comprobare quaesivisset, saepius in