Congregatio de Causis Sanctorum 219

studia Philosophiae in Universitate Catholica Studiorum Lublinensi renova-

vit et titulo doctoris atque munere libere docendi ornatus est. Extemplo ei

officium magistri Theologiae Moralis et Ethicae apud Seminarium Maius

Cracoviense commissum est, sicut et apud eandem Facultatem Theologiae

Lublinensem.

Summus Pontifex Pius XII, veneratae memoriae, die 4 mensis Iulii anno

1958 Episcopum titularem Ombiensem et Auxiliarem Cracoviensem eum no-

minavit. Die 28 insequentis mensis Septembris, consecrationem recepit ab

ipso Archiepiscopo Cracoviae, Excellentissimo Domino Eugenio Baziak,

cuius pastorali officio die 13 mensis Ianuarii anno 1964 successit. Hoc tem-

pore, Servus Dei variis Sacrosancti Concilii Oecumenici Vaticani Secundi

actuose interfuit sessionibus, ubi gradatim mira eius et firma indoles emicuit,

praesertim cum operam navaret in Constitutionem Gaudium et Spes redigen-

dam.

Summus Pontifex Paulus VI eum Cardinalem Sanctae Romanae Ecclesiae

in Consistorio die 26 mensis Iunii anno 1967 creavit. Illis annis, Servi Dei

opera navitate humani cultus et pastoralis curae, necnon altercationibus

disputationibusque cum Polonico regimine communistarum enituit: cum ci-

vilis auctoritatis obsequio coniunxit fiduciam atque audaciam evangelici

nuntii. Firmiter conscius se esse pastorem et ducem animarum, ac fidem

habere radicitus constitutam, exemplo Christi compulsus, pro bono populi

sibi commissi omnino sese tradidit.

Paulo VI e vita erepto et post brevem pontificatum Ioannis Pauli Pa-

pae I, Servus Dei ad Petri Sedem die 16 mensis Octobris anno 1978 electus

est. Qui dies initium exstitit pontificatus peculiari ministerio intensi ob in-

numeras peregrinationes et frequentem dialogum, simul significantioribus

gestibus, compluribus inceptis propheticis praeceptisque magisterii.

Servi Dei pontificatus exordia iamiam aerumnae vexaverunt. Die 13

mensis Maii anno 1981, enim, graviter in insidiis vulneratus est. Quod

autem acerrimum discrimen adeo mira animi oppetiit fortitudine, ut oculis

omnium, etiam fide carentium, verus ipse videretur ductor, qui Ecclesiam

atque humanitatem in tertium millennium perducet instans praecipuas fidei,

spei et caritatis virtutes.

Per diutinum Pontificatum profundo spiritu fidei circumfusum aperte se

ostendit, quo omnibus in consiliis ineundis, tam in minimis cotidianis actio-

nibus quam summis in decretis ad ministerium petrinum attinentibus, ductus

est. Universa eius terrestris exsistentia, filiali pietate erga Sanctissimam