Acta Apostolicae Sedis - Commentarium Officiale208

ROMANA

Beatificationis et Canonizationis Ven. Servi Dei Angeli Paoli (in saeculo:

Francisci), Sacerdotis professi ex Ordine Carmelitarum antiquae observantiae

(1642-1720)

DECRETUM SUPER MIRACULO

Venerabilis Servus Dei Angelus Paoli in vico Argiliano prope Casulam

intra fines Dioecesis Lunensis-Sarzanensis, hodie vero Massensis-Apuanae,

die 1 mensis Septembris anno 1642 natus est et ad fontem baptismalem

ductus nomen Francisci sumpsit. Cum firmam christianam intra modestae

familiae suae moenia recepisset institutionem, iuvenili adepta aetate, postu-

lavit, ut ad statum clericalem admitteretur, sed ita praestantior in eo emi-

nebat vocatio ad vitam regularem, ut una cum fratre Thoma Ordinem Car-

melitarum eligere decerneret, apud quem nomen religiosum Angeli accepit.

Studiis usque ad academicum lectoris gradum variis in Etruriae civitati-

bus peractis, sed oboedientia regularique observantia atque erga egenos stre-

nua caritate insignis humillimis abiectisque in servitiis vitam degit.

Romam postea convocatus, triginta ac tres annos fere in alma Urbe in-

cubens de diversis communitatis suae curavit muneribus et, egenis praeser-

tim derelictis ministrandis multos apparans cooperatores et in pauperum

sollicitudinem attrahens, vocationis « Patris pauperum » plenitudinem instan-

ter persecutus est. Fervidus spiritualis exstitit multorum cuiuscumque ordi-

nis et condicionis moderator, cuius spiritualitatis autem caritatisque fons

ardens Eucharistiae sollicitudo fuit, quam sincerae etiam Beatae Mariae Vir-

ginis iunxit pietati.

Sanctitatis fama succinctus, Romae, die 20 mensis Ianuarii anno 1720, pie

in Domino quievit.

Processus canonici beatificationis et canonizationis secundo iudicio expe-

dierunt, sicut et, anno 1723, Processus informativi dioecesani Florentiae,

Pisciae atque in Urbe celebrati; Processus Apostolicus demum Romae inter

annos 1740 et 1753 habitus est et anno 1781 Summus Pontifex Pius Pp. VI

Servum Dei virtutes in modum heroum coluisse decrevit.

Beatificationis respectu, Causae Postulatio iudicio huius Congregationis

de Causis Sanctorum assertam subiecit miram sanationem Dominae Aeglinae

Canozzi, quae, mense Augusti anno 1927, adeo gravi procidentia uteri ingenti