Acta Apostolicae Sedis - Commentarium Officiale238

Ferventi sollicitudine Reverendissimus Dominus Marcucci de Dioecesi

curam adhibere incepit. Triennio post, autem, nuntium electionis eius ad

vicem Gerentem Urbis eum attigit, in quo munere sueta actuositate ministe-

rium suum Clementi Papae XIV navavit, cuius successor, Pius Papa VI,

mense Februario anni 1782, Servum Dei tamquam consiliarium nominavit

ad iter Vindobonam suscipiendum, ut quaedam cum Iosepho II imperatore

paciscerentur, qui rei publicae administratione, catholicae Ecclesiae valde

infensa, eo tempore utebatur. Munus vices gerentis Servus Dei duodecim

annos exercuit, miro autem apostolico ardore, Dioecesis et Congregationis

Sororum Piarum Operariarum ab Immaculata Conceptione persequens

curam.

In humanitatis cultus temperie illa quam dicunt Luminum, perardua

scilicet in tempestate Ecclesiae, firmum illuminatumque personavit respon-

sum suum, catholicum, coram difficultatibus illius temporis datum. Vir fuit

humano cultu egregius, scientiis sive divinis sive profanis aeque proclivis,

nexus illius inter fidem et rationem, inter fidem et humanitatis cultum, inter

naturam et gratiam, studiosissimus et fide dignus testis.

In ultimis annis vitae, iam laboribus defessus infractusque morbis, licen-

tiam secedendi apud Domum Matrem Instituti a Summo Pontifice obtinuit.

Die 12 mensis Iulii anno 1798 Asculi in Piceno pie in Domino quievit corpus-

que eius, iuxta desiderata, in ecclesia Immaculatae Conceptionis Beatae

Mariae Virginis sepultum est, ubi etiamdum in apta Cappella asservatur,

quam frequentissime, crebri visitant devoti, qui impetrent et referant gratias.

Piae Operariae ab Immaculata Conceptione, virtutum Patris Fundatoris

sui consciae, testimonium praebendi cupientes proficientis famae eius sancti-

tatis, petiverunt merueruntque, ut apud Curiam Asculanam in Piceno Bea-

tificationis et Canonizationis Causa a die 5 mensis Maii anno 1963 ad diem 26

mensis Novembris anno 1968 iniretur per celebrationem Processus Dioecesa-

ni, cuius auctoritas et vis iuridica a Congregatione de Causis Sanctorum

decreto diei 30 mensis Novembris anno 2001 probatae sunt. Interdum, die

14 mensis Ianuarii anno 1977, Censores Theologi prosperam sententiam super

scripta Servi Dei exprimebant. Positione confecta, die 28 mensis Novembris

anno 2008, iuxta consuetudinem, in Congressu Peculiari Consultorum Theo-

logorum secundo cum exitu disceptatum est an Servus Dei more heroum

virtutes christianas exercuisset. Patres Cardinales et Episcopi in Sessione

Ordinaria diei 12 mensis Ianuarii anno 2010, audita relatione Excellentissimi

Domini Ioannis Pauli Benotto, Archiepiscopi Pisani, Causam Ponentis, pro-