Congregatio de Causis Sanctorum 231

diorespiratoriam pertulit cum sensuum amissione. Licet apud valetudinarias

aedes assistentia frueretur, puellula restaurationis signa non exhibuit, quon-

iam curae redanimationis, etsi opportunae, non idoneae et inefficaces exsti-

terunt. Clinica eius indicia exsistentiam veri et proprii detrimenti cerebralis

detegebant, cum funestis implicationibus, quae sequuntur: absentia relatio-

nis cum ambitu, deerratio quod attinet ad spatium et tempus, stabilitas

visionis, hypertonia musculorum, defectio motoria, perturbatio psychomoto-

ria. Dimissa ex valetudinario, ne domi quidem salutis progressum obtinuit;

prognosis edebatur omnino infausta quoad vitam et valetudinem.

His in adiunctis, quae non tantum anxia verum etiam desperata videban-

tur, mater puellulae a Sororibus Societatis a Cruce parvam recepit imaginem

qua conspiciebatur effigies Venerabilis Servae Dei Mariae ab Immaculata

Conceptione, cum oratione. Tunc mater sponte summam nutriens spem, ima-

ginem admovit oculis, ori et capiti filiae invocans Servam Dei his commo-

ventibus verbis: « Tu es quae puellulam meam sanare debes. Si vere sancta es,

ecce optimum miraculum sanandi filiam meam! Unum tantum a te flagito,

nempe ut eius oculi me videant et cognoscant ».

Communitas quoque Sororum Societatis a Cruce intercessioni Venerabilis

Servae Dei aegrotulam commendarunt.

Ferventes preces haud dubie sunt exauditae, ita ut novem post dies qui-

bus puellula valetudinarium reliquerat, subitanea prodiderit virium restitu-

tio in ipsa, quae necopinato loqui incepit, domi astantes agnovit, e carrulo

descendit et absque difficultate ambulare coepit. Ne graves quidem exhibitae

sunt sequelae neurologicae, quae ex more his in casibus eveniunt. Sanatio a

primis medicis qui visitaverant eam habita est valde celeris quatenus attinet

ad restitutionem neuropsychicam, quae obtineri valuit sine exercitio rehabi-

litationis, et quidem cum residuorum absentia.

Evidens ostenditur congruentia temporis inter invocationem ad Servam

Dei et sanationem Annae Mariae, quae in praesens bona fruitur valetudine et

vitam necessitudinis iuxta normam gerere potest.

De sanatione, quae mira est iudicata, apud Curiam Archidioecesanam

Hispalensem, a die 4 mensis Novembris anno 2005 ad diem 6 mensis Februa-

rii sequentis anni, instructa est Inquisitio Dioecesana, cuius iuridicam aucto-

ritatem agnovit haec Congregatio de Causis Sanctorum, Decretum vulgans

die 13 mensis Decembris anno 2006.