Congregatio de Causis Sanctorum 211

Le Royer eam adiuvavit ut renatam fidem in Eucharistia preceque confir-

maret.

Deinde Serva Dei mysticam experientiam in festo Sanctae Mariae

Magdalenae anno 1607 accepit: cum proxime ad Sanctam Eucharistiam

accederet, magnam laetitiam percepit quae fortiter commovit animum eius

et, ut altera Maria Magdalena, removit se a bonis et fortunis humanis et

omnino adhaesit Domino. Cum non posset in monasterium admitti propter

aliquos defectus, magno gaudio paenitentiae misericordiaeque operibus se

tradidit.

Anno 1636, post occursum cum Venerabili Hieronymo Le Royer de la

Dauversière, a familiae negotiis vacua, cum alteris piis mulieribus sociis ad

aegrotos in nosocomium « Hotel Dieu » Flexiensi se contulit. Brevi tempore ab

hac piarum benignarumque mulierum societate orta est Congregatio Filiarum

Sancti Joseph, quarum Serva Dei facta est Prima Antistita. Religiosarum

Hospitalariarum Sancti Joseph Opera apud nosocomium Flexiense exem-

plum aliis imitandum facta est et fundationes paulatim increbruerunt etiam

trans Galliam usque in urbem Marianopolitanam in Canadiae dicione. Domus

Lemaniensis (i.e. Moulins) in Alvernia, quo Maria migravit deinde, facta est

centrum novum moderationis omnium navitatum subsidii. Quamvis multo

labore, Serva Dei exemplum modestiae, rerum humanarum contemptionis,

obsecrationis fortitudinisque semper fuit. In Eucharistia suum validius au-

xilium calamitatibus invenit et testis Sanctae Communionis frequentis facta

est. Mutare voluit nosocomia ab hospitiis in locos fraternae acceptionis, cum

maximam reverentiam aegrotorum eorumque animarum curam praestaret.

Ineunte vere, anno 1652, civitas Lemaniensis terribili pestilentia vulnerata

est, quae etiam Servam Dei contagione corrupit dum aegrotis assidebat. In

conspectu eius confessoris et Communitatis, Maria in Domino obdormivit

nocte inter dies 27 et 28 mensis Iulii eodem anno.

Sanctitatis fama, qua vivens circumdabatur, post mortem increbruit et

apud Episcopalem Curiam Cenomanensem (i.e. Le Mans) a die 24 mensis

Iunii anno 1934 ad diem 30 mensis Aprilis anno 1936, instructus est Processus

Ordinarius et apud Episcopalem Curiam Marianopolitanam a die 24 mensis

Iunii 1934 ad diem 19 mensis Martii anno 1936 instructus est Processus

Cognitionalis, cuius vim iuridicam cum decreto hoc Dicasterium approbavit

die 18 mensis Octobris anno 1991. Parata Positione, Consultorum Historico-

rum sessio habita est die 28 mensis Aprilis anno 1995; inde examen peractum

est super virtutibus Servae Dei.