Acta Apostolicae Sedis - Commentarium Officiale222

ZAMOREN.

Canonizationis Beatae Bonifatiae Rodrı́guez de Castro, Fundatricis Congregationis

Servarum a S. Ioseph (1837-1905)

DECRETUM SUPER MIRACULO

Beata Bonifatia Rodrı́guez de Castro Salmanticae in Hispania nata est die

6 mensis Iunii anno 1837 e familia artificio dedita et profunda fide praedita.

Adulescens officium didicit artis segmentariae, quo quindecim aetatis annos

agens necessarium ad vitam lucrari potuit, primum uti nummo conducta, ac

postea in propria officina segmentariae artis operando. Ob vitae testimonium

varias ad se attraxit iuvenes quae diebus dominicis et festivis postmeridianas

horas cum ea transigere cupiebant, ita ut eius domus inceperit esse centrum

praeventionis mulieris operi deditae. Ita congregatae Iosephinam institue-

runt Associationem, quae in seminarium transformata est pro religiosis vo-

cationibus. Die 10 mensis Ianuarii anno 1874, simul cum Patre Francisco

Butinyà i Hospital, S.I., Salmanticae condidit Congregationem Servarum a

Sancto Ioseph, quae in campo laboris originale exstitit propositum vitae

religiosae femininae, secundum vestigia Nazarethanae Familiae. In « officinis

Nazarethanis » Servae Sancti Ioseph subveniebant pauperibus mulieribus

opere carentibus, vitando ne earum dignitas detrimentum caperet in ipsis

exordiis eversionis industrialis Hispanicae, quo tempore mulier opus extra

domum exercere incipiebat. Tot inter discrimina Bonifatia mira humilitate et

mansuetudine omne genus iniustitias, contumelias et calumnias pertulit, nec

de his ullo tempore querebatur, abhorrens vindictas et contestationes. Fide

suffulta et fiducia in Deum, permisit ut silentium Iesu in passione labia eius

clauderet, et summa largitate omnibus ignovit, minime propriam quaerens

iustificationem. Tamquam Sancta Zamorae existimata, ibidem animam ex-

halavit die 8 mensis Augusti anno 1905. Summus Pontifex Ioannes Paulus II

in Beatorum album cooptavit eam die 9 mensis Novembris anno 2003.

Canonizationi consulens, Postulatio Causae iudicio huius Congregationis

de Causis Sanctorum assertam miram subiecit sanationem domini Kasongo

Bavon, tres et triginta annos nati, oriundi ex oppido Kolwezi (Katangae, e

Republica Democratica Congensi). Ad Confessionem Neoapostolicam perti-

nens, tempore curationis officium exsequebatur institoris, et matrimonio con-

iunctus filiam habebat. Exeunte mense Martio anni 2003 dominus Bavon