Congregatio de Causis Sanctorum 229

valetudine, sine cicatricibus imminuentibus et sine infectiva implicatione

dimissus est.

Evidens est concursus temporis et consequentia inter Servae Dei invoca-

tionem et sanationem parvuli Honorini, qui deinceps, naturali sociali vita

pollens, sanus fuit.

De sanatione, mira aestimata, iuxta Curiam Archidioecesanam Portale-

grensem a die 13 mensis Maii anno 1997 ad diem 21 mensis Maii anno 1998

celebrata est Inquisitio Dioecesana, cuius iuridica validitas ab hac Congre-

gatione de Causis Sanctorum per decretum diei 8 mensis Novembris anno

1999 approbata est. Consilium Medicorum huius Dicasterii in sessione diei 13

mensis Novembris anno 2008 declaravit sanationem, celerem, perfectam,

constantem et ex scientiae legibus inexplicabilem fuisse. Die 22 mensis Aprilis

anno 2009 Congressus actus est Peculiaris Consultorum Theologorum,

quorum positivum iudicium, die 12 mensis Ianuarii anno 2010, a Patribus

Cardinalibus et Episcopis, in sessione ordinaria congregatis, causam ponente

Exc.mo Domino Hieronymo Grillo Episcopo Emerito Centumcellensi-Tarqui-

niensi, confirmatum fuit.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua, vota Congregationis de Causis Sanctorum excipiens rataque habens,

hodierno die declaravit: Constare de miraculo a Deo patrato per intercessionem

Venerabilis Servae Dei Mariae Barbarae a Sanctissima Trinitate (in saec. Bar-

barae Maix), Fundatricis Congregationis Sororum ab Immaculato Corde Mariae,

videlicet de celeri, perfecta ac stabili sanatione pueri Honorini Ecker a «malattia

da ustione da acqua bollente, brace ardente e vapori ad alta temperatura, con

grave stato di shock. Ustioni di II grado profondo - III grado con estensione del

40/50% della superficie corporea in soggetto di 4 anni ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 27 mensis Martii A.D. 2010.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis