Acta Apostolicae Sedis - Commentarium Officiale216

opus omnimodo diffunderet, et per nobile ac perseverans exercitium virtu-

tum fidelitatis Christo testimonium perhibens eximium benignitate in dies

properiore vocationem suam vixit. Die 8 mensis Augusti anno 1909 Sydneii

in Domino quievit.

Venerabilis Servus Dei Summus Pontifex Ioannes Paulus II felicis memo-

riae eam in Beatorum numerum rettulit.

Canonizationis respectu, Causae Postulatio iudicio huius Congregationis

de Causis Sanctorum assertam subiecit miram sanationem Dominae Catha-

rinae Elisabeth Evans, undequinquaginta annorum, cui mense Iulii anno

1993 infausta medicorum diagnosis dicta est tumoris pulmonis in ingentis

statu progressionis cum perdiffusa cellularum textuumque cerebri mutatione.

Adeo adversae res apparebant, ut aegrota sese nulli curae committeret et,

licet lecto iacere strictius coacta et auxiliis omnino indigens, ultimas hebdo-

madas apud caros degere statueret et voluntates quoque suas pro exsequiis

traderet. Mense Augusto eiusdem anni fere exeunte, familia eius una cum

amicis et Sororibus quibusdam Sancti Ioseph a Sacro Corde novendiali sup-

plicatione ad divinum confugit auxilium per Beatae Mariae a Cruce MacKil-

lop intercessionem a Deo impetrans, ut salus infirmae reficeretur, et reli-

quiam quamdam Beatae posuerat apud eam. Paucis transactis

hebdomadis, Domina Catharina Elisabeth Evans e lecto exsurgere valuit,

cum filia egressa est, ut habitum eius nuptialem emeret, et aliquibus hebdo-

madis infra ad matrimonium puellae magno omnium stupore iubilans salta-

vit. Mense Aprili anno 1994 examina radiorum emissionis ope instructa com-

pletam ostenderunt restitutionem eius a tumore. Clarissime patuit

continuatio temporis, sicut et nexus inter invocationem Beatae et sanatio-

nem Catharinae Elisabeth Evans, quae exinde optima valetudine gaudet et

normales vitae consuetudines gerere potest.

De hac mira habita sanatione inter dies 14 et 17 mensis Aprilis anno 2008

apud Curiam Maitlandensem-Novocastrensem Inquisitio Dioecesana celebra-

ta est, cuius auctoritas et vis iuridica a Congregatione de Causis Sanctorum

decreto diei 24 mensis Maii anno 2008 probatae sunt. Dicasterii Medicorum

Collegium in sessione diei 7 mensis Maii anno 2009 sanationem rapidam,

completam, duraturam et inexplicabilem secundum hodiernam scientiam

medicam fuisse affirmavit. Die 14 mensis Iulii anno 2009, Congressus Pecu-

liaris Consultorum Theologorum factus est et die 29 mensis Septembris anno

2009 Sessio Ordinaria Patrum Cardinalium et Episcoporum, Ponente Causae

Excellentissimo Domino Ioanne Paulo Benotto, Archiepiscopo Pisano, et in