Acta Apostolicae Sedis - Commentarium Officiale206

qua de causa die 22 mensis Octobris urgenter excipi debuit in Nosocomium

Clinicum Universitarium Vallisoletanum.

Eodem die Consorores religiosae Communitatis, ubi morabatur Soror Ma-

ria Carmen, orare coeperunt Fundatricem Beatam Candidam Mariam a Iesu

ut infirma sanationem adipisceretur. Haec infirma Soror die 24 affecta est

crisi epileptica diffusa, ac sequenti die in statum veternosum incidit. Medici a

cura monuerunt familiam de imminenti « infausto exitu ». Ex peractis medicis

inquisitionibus apud valetudinarium Vallisoletanum, diagnosis prodiit leu-

coencephalopathiae multifocalis progressivae, et medici Mariae Carminis inde

ab initio destiterunt a qualibet iniungenda therapia quae excederet thera-

piam simpliciter symptomatologicam. Gravitas clinica immutabilis perman-

sit usque ad diem 4 mensis Novembris, quo ex improviso recuperationis

signum emersit: etenim Maria Carmen sponte oculos aperuit. Inter dies 8 et

9 eiusdem mensis loqui coepit et cooperari. Ulterius convalescere perrexit,

excepta quadam periodo febris inter dies 16 et 28-29 eiusdem mensis ob

urinariam infectionem. Infirma dimissa est die 1 mensis Decembris, servans

tamen praescriptionem therapiae cortisonicae, antiepilepticae et physicae

rehabilitationis. Postea neurologicas pati debuit inquisitiones, quae plenam

confirmaverunt valetudinis recuperationem et absolutam absentiam irregu-

laritatis neurologicae et physicae.

De hoc casu, apud Curiam Vallisoletanam a die 11 mensis Aprilis anno

2002 ad diem 30 mensis Iunii anno 2004 Inquisitio Dioecesana instructa est,

cuius iuridicam validitatem approbavit haec Congregatio decretum vulgans

die 10 mensis Iunii anno 2005. Consilium Medicum Dicasterii, in Sessione diei

25 mensis Septembris anno 2008, edixit sanationem Mariae Carminis a ve-

terno celerem, perfectam, constantem cum restitutione ad integrum et ex scien-

tiae praeceptis inexplicabilem fuisse. Die 7 mensis Martii anno 2009 habitus

est Peculiaris Consultorum Theologorum Congressus, cuius responsum affir-

mativum confirmatum est a Patribus Cardinalibus et Episcopis in Sessione

Ordinaria die 16 mensis Iunii anno 2009 congregatis, Ponente Causae Exc.mo

D.no Xaverio Echevarrı́a Rodrı́guez, Episcopo titulo Cilibiensi.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua vota Congregationis de Causis Sanctorum excipiens rataque habens,

hodierno die declaravit: Constare de miraculo a Deo patrato per intercessionem

Beatae Candidae Mariae a Iesu (in saec.: Ioannae Iosephae Cipitria y Barrio-