Acta Apostolicae Sedis - Commentarium Officiale230

HISPALEN.

Beatificationis et Canonizationis Ven. Servae Dei Mariae ab Immaculata Con-

ceptione (in saec.: Mariae Isabellae Salvat Romero), Antistitae Generalis Congre-

gationis Sororum Societatis a Cruce (1926-1998)

DECRETUM SUPER MIRACULO

Venerabilis Serva Dei Maria ab Immaculata Conceptione (in saec.: Maria

Isabella Salvat Romero) die 20 mensis Februarii anno 1926 Matriti nata est e

familia terrenis opibus nec non ferventi christiana fide ditata. Persentiens

vocationem ad vitam consecratam, anno 1944 Hispali uti postulans excepta

est apud Sorores Societatis a Cruce. Expleto noviciatu ac perpensa humana et

spirituali formatione, concreditum est illi moderamen aliquot scholarum et

anno 1966 Hispalim arcessita est in Primariam Domum tamquam adiutrix in

noviciatu ac deinde veluti magistra noviciarum. Decursu temporis nominata

est primum Moderatrix Provincialis, deinde Consiliaria Generalis ac tandem

Suprema Antistita Instituti: ad hoc supremum munus, Apostolica Sede an-

nuente, ter est confirmata. Quamvis plurimis obligationibus detenta, Serva

Dei numquam neglexit officium vitam spiritualem assidue gerendi nec con-

stans studium servitium egenis praestandi. Verbo ac praesertim exemplo

funditus adlaboravit ut primigenium servaret charisma Fundatricis, Sanctae

Angelae a Cruce, et hac de causa peculiarem adhibuit curam in consorores

instituendas et novas vocationes provehendas. Anno 1994 novit se tumore

affici, quamobrem chirurgiam subire coacta est. Quantumvis haud facilis

fuerit experientia aegritudinis et tribulationis, quas animi fortitudine nec

non summa deditione voluntati Domini oppetivit, per quattuor annos

operam suam alacri animo gerere perrexit. Hispali in Primaria Domu die

31 mensis Octobris anno 1998 piissime obiit. Summus Pontifex Benedic-

tus XVI virtutes heroicas agnovit die 17 mensis Ianuarii anno 2009.

Ad beatificationem quod attinet, Postulatio Causae iudicio huius Congre-

gationis de Causis Sanctorum assertam subiecit miram puellulae Annae Ma-

riae Rodrı́guez Casado sanationem, adscriptam intercessioni Venerabilis Ser-

vae Dei et Hispali patratam ineunte mense Februario anni 2004. Puellula,

quae inde a natalibus afficiebatur implicata forma cardiopathiae, bis chirur-

giam subierat et, sequentibus annis, naturalem evolutionis corporis cursum

ostenderat. Attamen, quattuor annos agens, inopinato intermissionem car-