Acta Apostolicae Sedis - Commentarium Officiale236

ASCULANA IN PICENO

Beatificationis et Canonizationis Servi Dei Francisci Antonii Marcucci,

Archiepiscopi Montis Alti in Marchia Fundatoris Congregationis Sororum

Piarum Operariarum ab Immaculata Conceptione (1717-1798)

DECRETUM SUPER VIRTUTIBUS

«Deus voluit nos omni gratia per Mariam ditari ».

Haec verba Sancti Bernardi Claravallensis totam Venerabilis Servi Dei

Francisci Antonii Marcucci conduxerunt collustraveruntque vitam, qui sae-

pius repetere solebat: « Beatus, qui Mariae confidit et cuncta, ut ipsi placeat,

agit ». Hanc beatitudinem vero omni benignitate atque intellegentia testatus

est, mysterium Immaculatae Conceptionis Beatae Mariae Virginis speciali

fervore recolens, ad cuius theologicam veritatem definiendam, quae tantum

saeculo fere post declarata est, praedicationi et scriptis admodum profuit.

Dei Servus die 27 mensis Novembris anno 1717 natus est Forcae, pagi

Asculanae regionis in Piceno, ubi pater, patronus Leopoldus, quaestoris ne-

gotia gerebat. Claris ex religiosa Asculana gente fruebatur natalibus; mater,

autem, Ioanna Baptista Gigli, ex humili familia genita erat. Ad fontem bap-

tismalem eodem die quo ortus regeneratus est, nomen sumens Franciscum

Antonium.

Parentes eius Asculum modo redierunt apud antiquum familiarem do-

mum, ubi infans, a patruis receptus, fidei doctrinis institutus est et, severo

praeceptore duce, ad studia productus. Eximium eius ingenium effecit ut

firmam sibi compararet philosophiae ac litterarum etiam classicarum disci-

plinam. Mors autem iuvenis matris, quae in Francisci Antonii decimoquarto

vitae anno occurrit, profundum sensum inanitatis puero reliquit, licet amita

omnibus curis benevolentissime eum succinxerit.

Dum duodevicesimum aetatis annum agebat, saturnalium tempore frivo-

lae inanisque quam degebat vitae palam vanitatem animadvertit et sese

omnino Deo, viam percurrens ministerii sacerdotalis, consecrare statuit.

Quam gratiam Mariae Sanctissimae intercessioni tribuit et, ut gratias ei age-

ret, die 25 mensis Iulii eiusdem anni spiritualis moderatoris consensu perpe-

tuae castitatis votum emisit. Fortis fuit benignaque haec electio, qua blanda

proposita familiae in eum avertebantur: Lauretum una cum sociis quibusdam

pedibus incessit, ut Virgini « Assentienti » vocationem suam committeret.