Congregatio de Causis Sanctorum 225

OXOMEN.

Beatificationis et Canonizationis Ven. Servi Dei Ioannis de Palafox et Mendoza,

Episcopi prius Angelopolitani, postea Oxomensis (1600-1659)

DECRETUM SUPER MIRACULO

Venerabilis Servus Dei Ioannes de Palafox et Mendoza natus est Fiteri in

regno Navarrae in Hispania die 24 mensis Iunii anno 1600.

Decennis in Seminario Tyrasonensi S. Gaudiosi receptus, ad annum usque

1615 collegialem egit; postea per sex annos maioribus Disciplinis ac Faculta-

tibus in Academiis Oscensi, Complutensi et Salmantina incubuit.

Anno 1629 Sacerdotio initiatus, anno 1639 Episcopus Angelopolitanus

consecratus, XI Kal. Augusti insequentis anni 1640 Angelopolim ingressus

est.

Postquam Dioecesim Angelopolitanam per novem annos praesens rexe-

rat, Matritum a Rege vocatus, eam per vicarios et pastorales litteras diligen-

ter gubernare curavit, usquedum, mense Martii 1654, ad Sedem Oxomensem

translatus est. Tandem, postquam novam Dioecesim illi commissam per

quinquennium sanctissime rexerat, die prima Octobris anni 1659 pie in

Domino obdormivit.

Summus Pontifex Benedictus XVI, die 17 mensis Ianuarii anno 2009,

eum virtutes theologales, cardinales et his adnexas heroico gradu coluisse

decrevit.

Beatificationis Venerabilis Servi Dei respectu, Causae Postulatio iudicio

huius Congregationis de Causis Sanctorum assertam quandam subiecit miram

sanationem, intercessioni tributae Servi Dei, scilicet casum Reverendi Domi-

ni Lucae Fernández de Pinedo, parochi in vico Fuentemolinos, dioecesis Oxo-

mensis, qui anno 1766, die 29 novembris, a confirmata pthysi tertii generis,

quae eum in vitae discrimen duxerat, instantanee sanatus est.

Lucas Fernández de Pinedo, mense Decembri anni 1669 natus, annum

agebat 67 aetatis quando, mense Ianuario anni 1766, narium haemorrhagia

arreptus, infirma valetudine laborare incepit, usquedum, die 19 Octobris

eiusdem anni, febri correptus decidit in lectum. Paucis autem transactis

diebus Lucae infirmitas tamquam pthysis incipiens iudicata est a duobus