Acta Apostolicae Sedis - Commentarium Officiale228

consisteret, locum mutavit et in Brasiliam iter intendit. Venerabilis et sorores

Dei regni eiusque iustitiae siti incensae compluribus pauperibus et dolentibus

in Fluminis Ianuarii et Rivi Australis pagis et oppidis adfuerunt quos etiam

iuvaverunt. Fundatrix mirabili amore et fortitudine paupertatem et complu-

ra adversa quae saepe ei obstiterunt suscepit, suum vitae testamentum in-

dulgentiae et amoris veritatis semper fuit. In pago Catumbi privata in domu

die 17 mensis Martii anno 1873 beatitudinem assecuta est, a Christo fidelibus

servis promissam. Summus Pontifex Benedictus XVI die 3 mensis Iulii anno

2008 virtutes heroicas approbavit.

Beatificationis respectu, Postulatio Causae iudicio huius Congregationis

de Causis Sanctorum assertam subiecit quandam miram sanationem quae in

regione Macaburio non longe a Sancta Lucia do Piai, Caxias do Sul in Brasilia

evenit. Sanatio de qua agitur fuit pueri Honorini Ecker, qui ustionem a

ferventis aquae et prunarum contactu nec non ab aestuantibus vaporibus,

gravi cum collapsu passus est. Mane diei 10 mensis Iulii anno 1944 mater

pueri, quum super foco ollam aquae catena suspensam reposuisset, ad ani-

malia gubernanda exivit. Parvulus Honorinus autem quartum aetatis annum

agens, dum cum fratribus circa focum ludebant, illisus incaute, catenas ap-

prehendit, ferventem aquam super sui corporis anteriorem partem propel-

lens, deinde super prunas cecidit sibi graves ustiones efficiens et, quum fer-

ventes vapores, quae ab aqua elapsa in foco eruperunt inhalavisset, internas

ustiones effecit. Statim mater, una cum amica, parvuli ventrem, brachia,

manus, crura sapone et frictorum ovorum adipe ad dolores laxandos unxit.

Deinde, ligato linteo ad dua bacula a mulieribus, familiares ad propinquum

valetudinarium in pago dicto Cristovão de Mendonça parvulum deduxerunt,

percurrentes chiliometra xv quattuor horis. Puer fere omnino plagosus vide-

batur et profundas ustiones toto in corpore ostendebat. In valetudinario

parvulus aegrotus plane rigidus et sui haud compos, non respondens stimulis

et veternus inventus est. Ustiones medicatae sunt sulphamidicis et glycosii

diluto sed post primas curationes ungues ceciderunt pueri, qui autem nulla

signa responsionis doloribus nec repercussionem nervorum ostendebat.

Istis rebus cognitis, soror Dulcidia Granzotto Congregationis Sororum ab

Immaculato Corde Mariae, quae in valetudinario aegrorum ministra erat et

die ac nocte Honorino adsidebat, orare Venerabilem Fundatricem pro infirmi

sanatione incepit secum in invocatione parvuli familiam et alios trahens. Post

septem dies repente puer somno experrectus est, cito profectus salutis osten-

dens, post decem et quinque dies a receptione in valetudinario puer bona in