Congregatio de Causis Sanctorum 223

vehementi febri et tremoribus est affectus. Arbitrans agi de malaria, quae illa

in regione frequens est, sibi ipsi medicinam applicuit. Indicia tamen morbi in

deterius ruebant, quapropter ipsemet consilium cepit accedendi in valetudi-

narium Missionis Catholicae loci Kayeye, concreditum curis Servarum Sancti

Ioseph. Medicus loci examinavit eum, et, post diagnosim clinicam probabilis

peritonitidis acutae per typhicam perforationem, laparotomiam explorati-

vam urgenter exercuit, unde edixit diagnosim « febris typhoidis cum perfora-

tione in tertio terminali ilei »; tunc subiecit illum resectioni ileali. Expleta

chirurgia, administra medici, quae erat etiam Serva Sancti Ioseph, infirmum

commendavit intercessioni Matris Bonifatiae, fundatricis Congregationis,

persuasa infirmum vitam non esse recuperaturum. Post unius mensis spa-

tium, dominus Bavon anxiosum exhibebat valetudinis statum, qui iuxta

praeviam diagnosim clinicam de occlusione intestinali acuta agebatur, ac

die 3 mensis Iunii iterum coactus est laparotomiam explorativam pati, ex

qua detectus est gravissimus status abdominalis per praesentiam perivisce-

ritidis abdominalis diffusae, morbus scilicet quem medicus prima opportuni-

tate noverat. Hic enim adhaesiolysim per quattuor horas valde onerosam ad

effectum perduxit, therapiam tamen illo in casu clinice interdictam. Progno-

sis infausta exstitit. Post tres dies vulnus recruduit, et valetudinis condicio

desperata visa est. Currebat dies 6 mensis Iunii anno 2003. Servae Sancti

Ioseph ferventius orabant et novendiales preces effundere coeperunt, quon-

iam iam deerat omnis spes vivendi. Die 9 eiusdem mensis medicus ad tertiam

chirurgiam procedere statuit; sed priusquam interventum inciperet, Matrem

Bonifatiam invocavit, cuius precationi infirmarii quoque ibi adstantes inter-

fuerunt. Ex laparotomia detecta est peritonitis plastica cum duabus perfora-

tionibus intestinalibus. Tunc perforationes celeriter suturavit et, perpensa

extrema domini Bavon gravitate, nihil amplius fecit; statim abdomen clausit

et eius patri dixit infirmum proximis horis probabiliter esse moriturum, cui

prognostico omnes administri centri medici annuerunt. Sequenti tamen die

contra omnem exspectationem dominus Kasongo Bavon persensit sanatum

esse, dolores enim non patiebatur et ingenti aviditate petebat aliquid

manducandum. Tertio die vulnus exsiccatum ac detersum apparuit, absque

suppuratione, et intestinalis ductus sponte ad normam rediit.

Inquisitio Dioecesana super asserto miro instructa est apud sedem Archi-

dioecesanam Lubumbashiensem, praehabita concessione Congregationis de

Causis Sanctorum, quae translationem competentiae approbavit die 27 men-

sis Martii anno 2007, eo quod Dioecesis Kaminaensis, uti propria sedes, ne-