Acta Apostolicae Sedis - Commentarium Officiale218

ROMANA

Beatificationis et Canonizationis Servi Dei Ioannis Pauli II (Caroli Wojtyła),

Summi Pontificis (1920-2005)

DECRETUM SUPER VIRTUTIBUS

«Ego sum vitis vera, vos palmites. Qui manet in me et ego in eo, hic fert

fructum multum » (Gv 15, 1. 5).

Verba haec Iesu in Sancti Ioannis Evangelio relata, personam Servi Dei

Ioannis Pauli II peculiarem in modum perstringunt. Vox « fructus » nobis

exhibet sanctitatem vitae semper fidelis Dei voluntati eiusdemque amori.

Haec enim fidei caritatisque firmitas integram Servi Dei vitam collustrat.

Servus Dei Carolus Iosephus Wojtyła die 18 mensis Maii anno 1920 in

civitate v.d. Wadowice in Polonia e familia solidis humanis christianisque

praeceptis penitus informata natus est. Praecox mors matris maiorisque fra-

tris profunde animum pueri affecit, qui autem firma et sincera fide fervidae

pietati navitatique religiosae innixa suffultus, aequo animo tanta tristia obire

valuit.

In lycaeo usque ad annum 1938 studiis superioribus, quibus ac praesertim

in studiis humanitatis eminuit, peractis, Cracoviam Servus Dei cum patre suo

migravit, ubi facultati Philosophiae Universitatis Studiorum Iagellonicae

nomen dedit et circulum scaenicum assidue frequentavit.

Altero mundano bello grassante, quo tempore Polonia a Germanis nazistis

est invasa, omnia athenaea scholaeque sunt praeclusa, itaque Servus Dei, ob

lugendam mortem patris solitudine affectus, ad labores coactus est, primum

ut operarius apud fodinas petrarias, dein apud officinam chimicam.

Hoc eodem angustiarum ambagisque tempore, Servus Dei vocationem ad

sacerdotium ardenter animadvertit. Proinde, anno 1942, studia Theologiae

apud Seminarium clandestinum Cracoviense iniit et ab anno 1944 una cum

aliis eiusdem Seminarii discipulis ab Excellentissimo Domino Stephano Sa-

pieha in Palatio Archiepiscopali ferventer exceptus est, quo maiore securita-

te, quiete et tranquillitate institutionem theologicam pergeret.

Die 1 mensis Novembris anno 1946, presbyteratus ordine auctus est ac

statim in Urbem ad perficienda Theologiae studia missus. Anno 1948, docto-

ratum in Sacram Theologiam adeptus, in Poloniam rediit, ubi coadiutoris

paroecialis et cappellani Universitatis simul munera assumpsit. Anno 1953,