Congregatio de Causis Sanctorum 205

SALMANTINA

Canonizationis Beatae Candidae Mariae a Iesu (in saec.: Ioannae Iosephae Cipitria

y Barriola), Fundatricis Congregationis Filiarum Iesu (1845-1912)

DECRETUM SUPER MIRACULO

Beata Candida Maria a Iesu (in saec.: Ioanna Iosepha Cipitria y Barriola),

nata est die 31 mensis Maii anno 1845 in oppido v. d. Andoain (ex provincia

Guipúzcoa in Hispania), dioecesis Victoriensis, e frequenti rusticaque familia,

humili indole praedita. A Deo vocata ad consecrationis vitam, anno 1871

Congregationem Filiarum Iesu ad pueros adulescentesque educandos Sal-

manticae instituit. Postea, licet parum culturalis esset eruditionis, varia ape-

ruit collegia tam in patria quam in Brasilia. Vita eius intensa exstitit; ipsa

enim muneribus functa est fundatricis, supremae moderatricis, spiritualis

omnium filiarum suarum educatricis. Vita quoque expletis operibus copiosa

fuit, simul tamen densa tribulationibus, difficultatibus et aerumnis. Mater

Candida, in Deum in eiusque paternam Providentiam plenam nutriens fidu-

ciam, sublime se praebuit exemplum fidelitatis erga Dei gratiam. Die 9 men-

sis Augusti anno 1912 Salmanticae, sanctitatis fama gaudens, in Domino

obdormivit. Summus Pontifex Ioannes Paulus II die 12 mensis Maii anno

1996 in album Beatorum eam rettulit.

Ad eius quod attinet canonizationem, Causae Postulatio iudicio huius

Congregationis de Causis Sanctorum assertam miram subiecit sanationem

Sororis Mariae Carminis del Val Rodrı́guez, quae die 6 mensis Novembris

anno 1922 ortum habuit Vallisoleti in Hispania. Religiosa professa ex Con-

gregatione Filiarum Iesu, magistrae officium exercuit multos per annos. In

praesens, emerita, Vallisoleti apud suam Congregationem commoratur. Men-

se Octobri anno 2000, dum optima frueretur valetudine, affici coepta est

tremoribus manuum, difficultate standi et virium amissione. Quamvis adhi-

bitae sint therapiae pharmacologicae parum propriae a fideli medico prae-

scriptae, valetudo eius gravius aegrotabat. Medicus neurologus, de re consul-

tus, resonantiam magneticam tantummodo praescripsit, priusquam

diagnosim ediceret; sed interim clinicus infirmae status in deterius ruebat,