Acta Apostolicae Sedis - Commentarium Officiale226

medicis, qui remedia illo tempore usitata infirmo praescripserunt, at incas-

sum. Post quadraginta dies, in quibus morbus constanter ingravescens usque

ad confirmatam pthysim tertii generis pervenerat, die scilicet 29 mensis No-

vembris, Lucas, reiectis medicinae remediis, Sacrum Viaticum recepit, et,

morti proximum se sentiens, fidelibus adstantibus valedixit et eos ut fideliter

christianam fidem servarent adhortatus est. At, paulo post, nepos eius, qui et

viceparochi munere fungebatur, reliquiam Ven. Servi Dei Ioannis de Palafox

et Mendoza illi ostendit. Infirmus magna devotione et laetitia reliquiam deos-

culavit et a Deo, per intercessionem Servi Dei, salutem si ipsi conveniret

impetravit; ac, fere statim, quietus obdormivit ille qui a pluribus diebus,

ob infirmititatis molestias, somnum conciliare non potuerat. Transactis au-

tem quattuor horis, mulier quae infirmo adsistebat, timens ne iam mortuus

esset, eum expergiscere curavit, et Lucas, sereno vultu et absque ullo morbi

synthomate, evigilavit.

Quo de casu, apud Curiam Oxomensem anno 1767 Processus dioecesanus

est instructus, cuius validitas iuridica agnita est a Sacra Rituum Congrega-

tione per decretum die 9 Decembris 1769 latum et a Summo Pontifice die 13

eiusdem mensis et anni 1769 confirmatum.

Consilium vero Medicorum, in sessione die 26 mensis Februarii anni 2009

habita, agnovit sanationem subitam, perfectam, stabilemque exstitisse ac

scientifice inexplicabilem. Felici cum eventu, die 27 mensis Iunii eiusdem

anni actus est Congressus Peculiaris Consultorum Theologorum, ac die 8

mensis Februarii anni 2010 Sessio Ordinaria est habita Patrum Cardinalium

et Episcoporum, Causae Ponente Em.mo D.no Card. Iuliano Herranz.

Facta demum de hisce omnibus rebus Summo Pontifici Benedicto XVI

per subscriptum Archiepiscopum Praefectum accurata relatione, Sanctitas

Sua, vota Congregationis de Causis Sanctorum excipiens rataque habens,

hodierno die declaravit: Constare de miraculo a Deo patrato per intercessionem

Ven. Servi Dei Ioannis de Palafox et Mendoza, Episcopi prius Angelopolitani,

postea Oxomensis, videlicet de subita, perfecta stabilique sanatione, eademque

scientifice inexplicabili, Domini Lucae Fernández de Pinedo a « confirmata

pthysi tertii generis ».