Congregatio de Causis Sanctorum 215

Dioecesani Parochi-Archipresbyteri Sanctae Mariae de Mataró, in casu et ad

effectum de quo agitur ».

Hoc autem decretum publici iuris fieri et in acta Congregationis de Causis

Sanctorum Summus Pontifex referri mandavit.

Datum Romae, die 3 mensis Iulii A.D. 2009.

e Angelus Amato, S.D.B. Archiep. tit. Silensis, Praefectus

L. e S.

e Michaël Di Ruberto Archiep. tit. Biccarensis, a Secretis

SYDNEYEN.

Canonizationis Beatae Maria a Cruce MacKillop (in saec.: Mariae Helenae),

Fundatricis Congregationis Sororum Sancti Ioseph a Sacro Corde (1842-1909)

DECRETUM SUPER MIRACULO

Beata Maria a Cruce MacKillop in civitate Melburno, in Australia, die 15

mensis Ianuarii anno 1842 e scotis catholicis parentibus nata est. Senior ex

octo filiis, nomen Mariae Helenae ad baptismalem fontem cepit, iam inde ab

infantia in familia mirum sumens exemplum et efficacem Christi testimo-

nium. Quamquam incipientis coloniarum constitutionis causa praestanti ob

patriae suae angustias scholastica careret institutione, iuvenili tamen aetate

magistrae munere una et ministrae in domibus functa est. In hoc peculiari

magisterio exercendo sollicita adiuncta decernere valuit, quibus pueri catho-

lici rusticis praesertim natalibus, nullo vero religionis vel humani cultus

decore honestati, gravabantur.

Ad tantam discutiendam immanitatem, Beata, quae interdum vocatio-

nem ad vitam religiosam instantius animadvertebat, una cum aliis sociis opus

quoddam pro puerorum pauperum educatione incepit, e quo Institutum So-

rorum Sancti Ioseph a Sacro Corde exordia duxit. Et innumeras vero inter

difficultates, mira semper fide in Deo sustentata, iugiter enisa est, ut tantum