Acta Apostolicae Sedis - Commentarium Officiale214

Interea, graves in Hispania res gignere coeperunt, quae repente in civile

bellum versae ipsam Maresmensem Catalauniae regionem, ubi Mataro inve-

nitur, aggressae sunt et Ecclesiam, ac praesertim sacerdotes, religiosos et

seminarii discipulos, saepius plumbis transfossos, omnibus in Reipublicae

partibus asperrime vexarunt. Servus Dei, qui iam biennio ante passus erat

metum incutionum, instante sorore, domum canonicam reliquit et apud fi-

delium familiam confugit, sed paulo post Barcinonem discedit. Primo tamen

diluculo, dum profecturus erat, detentus est et in custodiam a militibus ab-

ductus. In captivitate Dominus Iosephus conversationem vitae ostendit ple-

ne Dei amore et proximi afflatam: cum carceris sociis orabat eosque num-

quam destitit adhortari, ipsis ministrans Reconciliationis sacramentum.

Demum, die 1 mensis Septembris anno 1936 seditiosum agmen « Malumca-

put » seu vulgo Malatesta, crudelitate notum, noluit ab urbe proficisci ante

Mataronensis parochi supplicium. Quapropter, Servus Dei a custodia deduc-

tus est et in civitatis coemeterium translatus, ubi, magna cum dignitate,

petivit, ut nullo velamine oculos suos tegeret et usque ad finem civitatem,

cuius pastor fuerat, videre posset. Demum, Iesu Christi instar, sicariis ignotis,

a persecutoribus plumbo interfectus est.

Plebs Mataronensis nuntium caedis eius ingenti cum tristitia accepit.

Interim, sanctitatis fama, qua in vita circumdabatur, sicut et notitia

martyrii adeo post mortem eius increbuit, ut in Curia Archiepiscopali Barci-

nonensi a die 13 mensis Martii 1996 usque ad diem 18 mensis Martii 1999

instrueretur est Inquisitio Dioecesana, quam haec Congregatio de Causis

Sanctorum decreto diei 23 mensis Iunii anno 2000 iuridice validam agnovit.

Exarata Positione, iuxta morem disceptatum est an mors Servi Dei verum

martyrium fuisset. Positivo cum exitu, die 4 mensis Aprilis anno 2009 Pecu-

liaris Consultorum Theologorum Congressus habitus est. Dein, Cardinales

Patres et Episcopi in Sessione Ordinaria die 16 mensis Iuniii anno 2009,

audita relatione Excellentissimi ac Reverendissimi Domini Xaverii Echevar-

rı́a Rodrı́guez, Episcopi titularis Cilibiensis, Ponentis Causae, dixerunt

Servum Dei Christi fidelitatis usque ad effusionem sanguinis praebuisse

testimonium.

De hisce omnibus rebus, referente subscripto Archiepiscopo Praefecto,

certior factus, Summus Pontifex Benedictus XVI, vota Congregationis de

Causis Sanctorum excipiens rataque habens, hodierno die declaravit: « Con-

stare de martyrio eiusque causa Servi Dei Iosephi Samsó i Elias, Sacerdotis