1. Dominica prima Adventus.

1. Gaudia mando futura,

prophetarum quae clamat tuba,

2 a. Clara praecinamus
melodia

2 b. Pulchra reboantes
simul organa.

3 a. Nam, qui gubernat
supera et terrena
necnon infera,

3 b. Servi figura

homo factus assumpta
nosmet visitat,

4 a. Quos saeva

mortis damnarat potestas,
serpentis invidia

4 b. Ad stagna

cunctos detrudens averna
multa ob flagitia.

5 a. Sed nostras

summa deitas miserans

animas

traxerat carneam

5 b. Ex alvo

castae virginis sarcinam,
ut pia
redderet gaudia.

6 a. ''Ergo haec sollemnia
''signat adfutura

6 b. ''Anni celer orbita
''iam nunc replicata.

6 c. Unde celsa agmina

7 a. Laetantur et pangunt
Christo gloriam,

7 b. Et gratia pacis
ima decorat.

8 a. Ut ad tanta

queamus festa
mente nitida

8 b. Pervenire,

eius nos dextra
regat valida,

9. Cui odas

digne nunc modulemus, Alleluia.

2. De Adventu Domini.
1. Ecce, iam Christus,

2 a. Quem sancti patres

prophetaverunt, advenitnobis,

2 b. Suam nos salvet

per nativitatem gloriosam.

3 a. Cui omnes occurentes

clamemus: Salva nos, Deus,
rex Israel ;

3 b. Rex Christe, Deus Abraham,
Deus Isaac, Deus Iacob,
miserere (nobis),

4 a. Quia tu es salvator et
misericors, verax,
pius ac sanctissimus,

4 b. Cui honor et gloria
semper in aeterna
saeculorum saecula.