199. De sancto Georgio.

1 a. Laudes Christo persolvamus
Nos, qui Christi frequentamus
Martyris sollemnia;

1 b. Cuius actus, vita mores
Multos reddit meliores
Operante gratia.

2 a. Sacri verbi spargit flores,
Quibus fiunt laetiores
Sustinentes tristia.

2b. O quam felix agonista,
Qui docente nos psalmista
Velut palma floruit.

3 a. Palma virens

virtutis gratia,
Qua suffultus
domuit vitia
Vivens mediocriter.

3b. Fide firmus

sprevit praesentia,
Spe succinctus
futura praemia
Concupivit iugiter.

4 a. Quem nec blandus citharista
Nec violentus lanista
Deviare potuit.

4b........

5 a. Haec est scala mandatorum,
Per quammartyr ad caelorum
Conscendit palatia.

5 b. Quem cultores idolorum,
Per diversa tormentorum
Dum trahunt supplicia,

6 a. Primo quaerunt legis cultum,
Dicunt, quod non sit inuitum
Iovis sacra spernere.

6b. Ad sedandum hunc tumultum
Mente cernens Dei nutum
Coepit martyr dicere:

7 a. Non sunt nova penitus,
Quae sunt data caelitus,
Veritatis dogmata.

7 b. Hinc est Deo deditus
Cordis mei spiritus
Christi ferre stigmata.

8 a. Vani monstrum numinis,
Dacmonis et hominis
Innuunt effigiem:

8 b. Auctor vero luminis
Veri monstrat numinis
Claritatis speciem.

9 a. Christus, verbum Dei patris,
Quos in claustris trusit atris
Zabuli versutia,

9 b. Carnem sumens alvo matris
Hinc eductos more fratris
Pares facit gloria.

10 a. Ipsum totis votis colo,

Verba cuius sine dolo,

Verba sunt salubria.

10 b. Ipsi dare tura volo,

Ritus vestros sequi nolo,
Pleni sunt spurcitia.

11a. Ad haec praeses indignatur,
Sancto mortem cominatur,
Unde statim vinclis datur,
Tenetur ergastulo.

11b. Inde ductus cruciatur,
Fuste, ferro laniatur,
Poenis corpus dissipatur
Coram omni populo.

12 a. Letum potu propinatur,
Vorax flamma ministratur,
Rotae totus applicatur,
Sed haec gaudens superat.

12b. Nam de fine cogitatur,
Sicque tandem decollatur,
Terris corpus commendatur,
Sursum flatus properat.

13 a. O Georgi, spes tuorum,
Audi preces servulorum
Et quam habes meritorum
Inter choros beatorum
Confer nobis gratiam.

13 b. Audi, martyr, et intende,
Motus nostros tu suspende,
Arma, scutum apprehende,
A paganis nos defende
Nostramque substantiam.