47. In Missa Defunctorum.

1 a. Deus magnus et immensus,
Quem nullius capit sensus.

1b. Deus iudex aequitatis
Cum unguento pietatis,

2 a. Verbum cuius fuit oris:
Nolo mortem peccatoris,

2 b. Sed ut magis convertatur,
Quam in culpa moriatur.

3 a. Qui latroni pepercisti
Et Mariam exaudisti,

3 b. Qui latroni iam fideli
Promisisti regna caeli.

4 a. Regna huic dones illa,

Ubi cuncta sunt tranquilla,

4 b. Et post ista fugitiva
In aeternum vita vivat.

5 a. Qui salvasti Magdalenam,
Omni pravitate plenam,

5 b. Animam huius defuncti
Libera de omni poena.

6 a. Qui de sinu summi patris
De supernis descendisti

6b. Et in alvo castae matris
Carnem nostram assuropisti,

7 a. Tu labores miserorum
Pertulisti peccatorum
Lactatus matris ubere ;

7 b. Sitim, soles, frigus una
Suffers et membra . . .
Baptizatus in Iordane.

8a. Saepe flesti propter oves,
Quas tu, pastor, bene foves
Et fers errantes umeris ;

8 b. In deserto pertentatus
Vincis hostem, Deus natus,
Nostrae salutis aemulum.

9 a. Dum in mundo conversans,
Pie Iesu, medicans
Orbos, surdos, claudos sanans

9b. Caecis lumen, vitam donas
Vita functis, et condonas
Reatus paenitentibus.

10 a. Post per manus tuae gentis
Saevis datus es tormentis
Iudicandus homo-Deus;

10 b. Duris spinis coronatus,
Dirae cruci conclavatus
Fundis cruorem latere.

11a. Cuius corpus sepulturae
Datum, iacens satis dure,
Surrexit die tertia,

11b. Fractis vectibus inferne
Vincis scandis et superne
Triumphum ducensnobilem.

12 a. Unde veneras, reversus,
Ad nos oculos conversus
Promissum dans paraclitum ;

12 b. Iudex crederis venturus,
Iesu, cuncta discussurus
Remunerator opera.

13 a. Per haec omnia precamur
Te, quem proni veneramur,
Has audi preces, Domine,

13 b. Miserere, Iesu care,

Quem deflemus sic amare
Hodie functum saeculo.

14 a. Da ei remissionem

Et per sanctam passionem
Tuam placidam requiem,

14 b. Ut terrestribus purgatus,
Tua gloria beatus

Sic vivat in caelestibus.

15 a. O Maria, dulcis mater,
Quam elegit summus pater,
O angelorum domina,

15 b. Supplicamus, deprecare
Pro defuncto, cui dare
Tuam digneris gratiam.

16 a. O patrona peccatorum,
Consolatrix defunctorum,
Mater pia, subvenias ;

16 b. Tuis precibus succurras
Et agminibus concurras
Supernis huic obviam.

17. Ducas eum ad caelorum
Regna, mater, ut sanctorum
Sancta quiescat in pace.