272. De sancto Paulo.

1 a. Doctori gentium,

Gentes, adplaudite
Votaque mentium
Voce depromite.

1b. Pastori gregibus

Curam impendere,
Pastorem ovibus
Incumbit colere.

2 a. Electum vasculum,
Honoris ferculum

Tumoris vacuum
Iure percolitis,
Qui veri quaeritis

Fontis irriguum.

2 b. Exempli gratiam
Laudis materiam

In hoc exsilio
Confert et gaadium
Doctoris gentium

Sacra conversio.

3 a. Rapax mane,

Sero munificus,
Non inane

Beniamin typicus
Tulit auspicium.

3 b. Parit mater

Doloris filium,
Vocat pater

Dextrae suffragium
Doctus mysterium.

4 a. Quod Saulus rapuit,
Paulus distribuit,
Divisit spolia
Legis in gratia.

4 b. Quem Annas statuit

Ducem malitiae,
Christus exhibuit

Ministrum gratiae.

5 a. Dum vacat caedibus,
Caeeatus corruit,
Lapsa de nubibus
Vox eum arguit:

5b. "Cur me persequeris,
Saule, nec sequeris?
Cur in aculeum
Vertis calcaneum?

6 a. "Cum me persequeris,
Praestare crederis

Mihi obsequium,
In meis fratribus
Cruentis manibus

Versando gladium?

6 b. "Excessit litera,
Cesserunt vetera,

Praeconem gratiae
Te nunc constituo,
Surge continuo,

Locum do veniae."

7 a. O plena gratia,

De cuius cumulo
Arenti copia

Redundat saeculo!

7b. Felix vocatio

Non propter meritum,
Larga donatio

Sed praeter debitum!

8 a. Per aquae medium,
Per ignem spiritus
Ad refrigerium
Transit divinitus.

8 b. Mutato nomine

Mutatur moribus,
Secundus ordine,
Primus laboribus.

9 a. Par est apostolis
Vocatis primitus,
Praeest epistolis
Vocatus caelitus.

9 b. Ter virgis caeditur
Semel lapidibus,
Ter mari mergitur
Nec perit fluctibus.

10 a. Ad caelum tertium
Raptus in spiritu
Dei mysterium

Mentis intuitu
Intuetur nec loquitur,
Quia nec loqui sinitur.

10 b. O pastor mclite,

Pastorum gloria,
Felici tramite
Tua ovilia
Deduc, perduc, constitue
Perennis loco pascuae.