185. De sancto Evasio.

1 a. Caeli iubar, mundi lumen,
In quo splendet Christi numen,
Nunc fulget Evasius ;

1b. Inter astra micans poli,
Rosa vernans, digna coli,
Gaudet gloriosius.

2 a. Noster chorus
Sit sonorus,
Decoratus
Et dotatus

De pastore inclito;

2 b. Nisu toto,
Cordis voto
Supplicemus,
Melos demus

Ante Deum posito.

3 a. Septena daemonii
Per preces Evasii
Virtus effugatur;

3 b. Virtute oraculi

Dignus praesul populi
Astensis sacratur.

4 a. Pestem vanam
Arianam,
Vasa mortis
Pugil fortis

Damnat fultus caelitus;

4 b. Nam vesani
Et profani
Lumen Dei
Mente rei

Respuebant penitus.

5 a. Virga florens pastoralis
Monstrat, intus erat qualis,
Totus namque floridus.

5 b. Tentus lassus adligatur,
In cavernam sic iactatur,
Sed manet intrepidus.

6 a. Inter spinas lilium

Stat exspectans gladium,
Pro fide mactatur ;

6 b. Rosa rubens sanguine,
Gemma fulgens lumine
In caelo locatur.

7 a. Dux crudelis
Fit fidelis,
Excaecatnr,
Illustratur

Terrae per suffragium.

7 b. Luitprandus,
Rex amandus,
Fundat aedem
Christi sedem

Victor per Evasium.

8 a. Ergo lauda in hac die,
Qua caelestis hierarchiae
Aguntur sollemnia.

8 b. Trinae, simplae monarchiae

Odas demus melodiae

Et oris obsequia.

9 a. Lauda sanctum Evasium
Eius poscens suffragium,
Plebs egena,

9 b. Lauda ducem mirificum,
Lauda et civem caelicum
Mente plena.

10 a. Pastor bone
Ac patrone,
Tuum gregem
Apud regem

Recommenda sedula

10 b. Tua prece,
Ut a nece
Liberati
Et translati

Regnemus in saecula.