110. De sancto Albano.

1. Albanus roseo cruore
compsit haec sollemnia.

2 a. Qui gratia divina
evocatus ad astra
fide atque miranda
claruit vita,

2 b. Trinitatis gloriam,
unitatis naturam
praedicans Arriana
vicit dogmata.

3 a. Studia
tam pia
gerens in fide catholica,

3 b. Ad regna
superna
lucra deportavit maxima.

4 a. Post multa
exacta proelia
tyrannide [vesana]
potitur corona ;

4b. Sanctorum

sancto consortio
cum martyrii palma
plena sunt gaudia.

5 a. O Albane
martyr, ave,
dux in regis curia,

5 b. Pelle mala,
praebe bona
in sanctorum patria,

6. Quo fruamur vita aeterna.

III. De sancto Albano.

1. Gaude, mater ecclesia,
Festa ducens sollemnia
Sancti Albani martyris.

2 a. Lux advenit veneranda,
Lux in choris iubilanda
Luminosis cordibus.

2 b. Cuius laeta lux diei

Refert nostrum sanctum Dei
Decantandum laudibus.

3 a. Qui in caelis coronatus
Est patronus nobis datus
Iesu dono salvatoris.

3b. O quam purus adolevit

Puer sanctus, cum quo crevit
Mentis innocentia.

4 a. Adulescens amplexatur
Literarum studia,

4b. Alienus et immunis
Ab omni lascivia.

5 a. Hunc divinus adimplevit
Spiritus, in quo quievit
Ab eius infantia.

5 b. Fit salutis speculum
Morumque spectaculum,
Vas virtutum omnium.

6 a. Carnis pudicitiam
Et baptismi gratiam
Conservat viriliter.

6 b. In studiis sic profecit,
Quod profunda patefecit
Arcana divinorum

7 a. Laurea digne insignitus,
Plene certe eruditus

Supra multos magistrorum,

7 b. Verbi semen seminavit
Errores exterminavit
Verbo pugnans fortiter.

8 a. Hic est mitis atque fortis
Victor mortis,

Dei pollens gratia,

8 b. Qui labores et sudores
Et dolores

Pertulit pro gloria.

9 a. Cum non cedit hostibus
Resistens haeresibus,
Iusti sanguis funditur.

9 b. Prodit martyr conflicturas,
Sub securi stat securus,
Consummatur gladio.

10. Se cadaver non erexit,

Truncus truncum caput vexit,
Quo ferentem hoc direxit
Angelorum legio.

11a. Stupenda patent signa
Post mortem quam in vita
Divinae potestatis;

11b. Quae,naturam dum transcendunt,
Argumenta clara reddunt
Huius vitae sanctitatis.

12 a. Vita functi reducuntur,
Claudi, caeci reponuntur
Membrorum ad officia.

12 b. Surdi, muti reparantur,
Aegri cuncti liberantur
Per ipsius suffragia.

13 a. Albane, doctor veritatis,
Veni cum dulcedine
Et in regno claritatis
Duc tuo precamine.

18b. Mane nobis tunc auditam
Fac Dei clementiam,
Ad aeternam perduc vitam
Per divinam gratiam.

14 a. O interpres verbi Dei,
Ad caelestis nos diei
Perduc luminaria.

14b. Nos ad portum ex hoc fluctu,
Nos ad risum ex hoc luctu
Tua trahat gratia.