34. De sanctissima Trinitate.

1. Deus,

2 a. Veniae

largitor et humanae
salutis amator,

2 b. Quaesumus

ineffabilem, piam
clementiam tuam,

3 a. Ut des

ex amore tuo
lacrimas, des fidei
virtutumque pennas,

3 b. Quibus

induti rursus ad

te volitemus, prorsus

et caelum petamus.

4 a. Praesta nobis,
Deus omnipotens,
ante exitum
vitae nostrae

4 b. Firmam semper
fidem, inconcussam
spem caritatemque
perfectam,

5 a. Humilitatem profundam,
patientiam invictam

5 b. Et corporis et animae
castitatem perpetuam.

6 a. Da cordis contritionem
atque lacrimarum fontem,
da simplicem innocentiam ;
Da stabilitatem nostrique
cordis puritatem, da
constantiam
et mentis integritatem ;

6b. Da nobis fortitudinem
et virtutes, ut victores
nostri in cunctis existamus;
Da semper et ubique contra
hostem crudelissimum
tuae piae
defensionis auxilium.

7 a. Haec per te,
haec de te,

7 b. Haec in te
donentur.

8 a. O beata,
benedicta,
gloriosa trinitas,

8b. O aeterna,
sempiterna,
vera, summa unitas.

9 a. Audi et exaudi nos,
salva
et salvifica nos;

9 b. Adiuva et iuva nos,
munda
et mundifica nos.

10 a. Per unigenitum
Iesum Christum,
de Maria
virgine natum,

10 b. Qui processit matris
de utero

tamquam sponsus
(de) suo thalamo,

11. Regnans cum patre
et sancto spiritu
per infinita et immortalia
saeculornm saecula.