215. In Nativitate 8. Iohannis Baptistae.

la. Nobis orta praecursoris
Exortu laetitia;

1 b. Sonent foris laudes oris,
Cordis in praecordia.

2 a. Nuntiatur Christus matri,
Nuntiatur iste patri
Ab eodem nuntio;

2 b. Nam Gabriel ad Mariam
Destinandus Zachariam
Visitat eloquio.

3 a. Virgo credens fecundatur,
Verbum verbo concipit.

3 b. Hic in verbo condemnatur,
Dum verbum non suscipit.

4 a. Hic dubitans

mutus efficitur:

4b. Dum vox verbi

de muto nascitur,

4 c. Verbum votis

in muto solvitur.

5 a. Non hic lux est, sed lucerna,
Christus verbum lux aeterna,
Lux illustrans omnia.

5 b. Verbum praeit verbi praeco,
Verbum docet verbum, de quo
Manant lux et gratia.

6 a. Vitans urbes et oppida
Deserti colit arida,

Pellis praecinctus zona;

6b. Elias est in spiritu,
Victu, verbis et habitu,
Sed alter in persona.

7 a. Nullo vitae luxu victus,
Sed et eius fuit victus
Mel silvestre cum locusta ;

7 b. Indumentum huic camelus,
Aqua potus, fovens zelus,
Sermo rectus, vita iusta.

8 a. Non dicendus est propheta,
Prophetiae legis meta
Praesens agnum indicat;

8 b. Paranymphus et baptista,
Virgo, doctor, agonista
Fructum vitae replicat.

9 a. Hic est magnus teste Christo,

Non surrexit maior isto

Natus ex muliere.

9b. Trina sancti laus praeconis,
Nam qui trinus in coronis,
Dignus trino munere.

10. Hunc ut digne collaudemus,
Laudes eius triplicemus
Corde, verbo, opere.