333. De sanctis Reliquiis.

1. Laus honor sit

2 a. Eloi cunctipotenti
in sanctorum gloria.

2 b. Nos vocibusque tonantem
laudemus in suprema.

3 a. Gratam pietatem
tribuat

sanctificando corda et
nostra corpora.

3 b. Illi decus, virtus,
cui iam

nunc intonant praeconia
regi inclita.

4 a. Supernus adoret almus
chorus cunctusque
populus, alta,
profunda, montes, flumina,

4 b. Caelum et sidera semper
Christum Dominum,
laudantia per
saecula omnia.

5 a. Atque dulcisona
vox virtutum sonora
nostra concordet
odas canendo debitas.

5 b. Cunctaque concrepent
et Iactentur plene
hac die sacra
Elon laudando condita.

6 a. Gaudendo
iubilent

omnes, sollemnia
celebrantes nunc
sanctorum,
referentes praeconia
voce dulciflua.

6 b. Gloria
sit illi

in aethera, cuius
clara rutilant
dona, quis

aeternae vitae consequamur
magna praemia.

7 a. Ubi flagrat lux
perennis
in paradisi gaudia,

7 b. Angelorumque
caterva
ibi gaudet per saecula.

8 a. Dulci personat
symphonia,
melos concinit
psallendo harmonica,

8 b. In qua decenter
post funera
[o] quam beata
sanctorum sunt agmina

9 a. Patriarcharum,
apostolorum,
virginumque clara,

9 b. Prophetarum[que]
confessorum et
martyrum inclita !

10 a. Nova canentia
cantica
caeli supra
sancta palatia
''(splendida in)
''civitate almiflua,

10 b. In qua sanctorum sunt
agmina
trinitatem
sanctam cernentia

in gloria sempiterna.

11a. Poscimus

ergo nos cum ipsis

paradisi

frui amoenia

11b. Te Deum

cernentes supremum
ex virgine
natum veneranda.

12. Tibi sit per aevum
decus et potestas.