119. De sancta Anna.

1. Iesu, caelorum
regis, omnes
laudemus aviam
devotis carminibus,
Annam,

2 a. Omni laude dignam,
quae non subiectam
originalis culpae naevo,
puram, sanctissimam concepit
peperitque Mariam.

2 b. Anna, digna stirpe,
suboles nitens,
veneranda Iudae, nostris
adesto precibus iugiter,
quibus te veneramur.

3 a. Nempe rex caeli

tuas, Anna, preces omnes
exaudire creditur
praestans peccatorum
omnium veniam.

3 b. Nil tibi tuus

negat, Anna, nepos, cui
puritatis unicam
templum peperisti,
matrem et virginem.

4 a. Excelso fulgens
throno dominatorem
caeli terraeque,
beata, nepotem
una cum filia tua
contueris.

4b. Sub tuis ergo

nobis confidentibus

alis liceat

misellis defendi,

qui tuum sedulo nomen

honoramus.

5 a. Te nobiles
et ignobiles
amant, te docti
et indocti
mirum in modum
suis laudibus
devote prosequentes
matrem reginae caeli
sanctam praedicant,
immolantes ad aram
cum prece tuum nepotulum.

5 b. Rex hominum
et angelorum,
Deus, creator
omnipotens,
tuis subdidit
cuncta nutibus ;
te, matrem genetricis
suae, post eam fecit
potentissimam ;
ergo clamant te iure
caeli cives dignam laudibus.

6 a. In caelo potens
succurre, mater
Anna, famulorum
paupertati,
qui sincera mente,
precibus et votis
tui nominis sacri
memoriam
devoti veneramur.

6b. Te nostros omnes
curare morbos,
[Anna,] confitemur
corporales
et mentales posse
cunctaque reorum
delicta tuis sacris
precibus
in caelis emundare.

7 a. Eia, nunc tuum

pro nobis ora nepotem.

7 b. Magne rex, salva

nos aviae ob honorem.

8 a. Intende nostris precibus,
quas piae mentis oculo
ad te deferimus,

8 b. Ut dones Annae meritis
felicem vitae terminum,
quem [a te] petimus.

9. salve, nuptarum decus
sanctissimum,
afflictorum
spes et solacium ;
Anna, aeterni regis avia,
per te sit nobis gloria.

1 a. Nobili prosapia

Prodiit Ansanus,
Quem de gente devia
Traxit Dei manus,
Dia luce praevia
Praeest christianus.

1b. IIIustratus lumine
Fidei sereno

Et divino flamine
Erat corde pleno,

Stabat in certamine
Velut in amoeno.

2 a. Carcere et vinculis

Deum non negavit,

Immo locis patulis
Constans praedicavit,

Quem Deus miraculis
Plene illustravit.

2 b. Sanctus charismatibus
Sic est illustratus:

Dum postulat vocibus
Oculis orbatus,

Statim sancti precibus
Est illuminatus.

3 a. Pro quo sanctus angitur
Ab imperatore,

Carcere includitur
Torquendus livore,

Mox inde egreditur
Angelo ductore.

3b. Demum Roma exiens
Morabatur Senis,

Quem Lysias audiens
Artavit catenis

In Ansanum saeviens
Cum immensis poenis.

4 a. Gaudet felix civitas
Tali viro dotata,

Quo est cunctis sanitas
Infirmis collata,

Et multorum caecitas
Est illuminata.

4b. Ex quo martyr traditur

Igne cruciari
Et, quia non laeditur,

Iubet decollari,
Sancto fine moritur

Dignus honorari.

5 a. O Ansane, gratiam
Postula devotis,

Qui colunt memoriam
Tuam plenis votis ;

Veniant ad gloriam
Qui stant a remotis.

5 b. Creatori omnium

Laudes sint imraensae,
Qui per Christum filium

Commune Senense
Deducat ad prandium

Angelicae mensae.