77. De Beata Maria V.

la. Ave, virgo singularis,
Radix Iesse, stella maris,
Mater Dei, Maria.

Ib. Ante partum et in partu
Et post partum sine tactu
Virgo manens, Maria.

2 a. Ante legem praesignata
Et in lege praemonstrata
Virgo exstas, Maria.

2 b. O quam dulcis, o quam pia,
Quam praedixit prophetia,
Haec est mater Maria !

3 a. Iacob sanctus hanc in somnis
Scalam vidit, per quam
omnis
Nobis venit gratia.

3 b. Aula regis et templum Domini
Vitam reddens perditam ho-
mini,
Nostra delens crimina.

4 a. Nata patris, mater Dei,
Spes et salus omnis rei,
Cuncta mundans crimine.

4b. Virga Iesse dedit florem,
Nostra virgo salvatorem
Sine viri semine.

5 a. Nulla manu lapis parvus
Est abscissus, sed mons mag-
nus
Crevit fracta statua.

5 b. Nullus partus est intactus
Nisi hic, quo Deus factus
Homo sine macula.

6 a. Arbor ferens fructum vitae,
Porta clausa, via vitae,
Origo clementiae.

6 b. Arbor mater, verbum fructus,
Quo peccator ut reductus
Carpit iter gratiae.

7 a. O quam pium, quam suave,
Gabrielis quod per Ave
Donatur remedium.

7 b. Fit mox virgo mater Dei
Prolem gestans, per quam rei
Vitae captant gaudium.

8 a. In deserto ac frutecto
Manna pavit atque pavit
Israelis populum ;

8 b. Est desertum et frutectum
Plebs Hebraea semper rea,
Virgo manna fulgidum.

9 a. Virgo verbo impraegnatur,
Verbum Dei humanatur
Non virili germine.

9 b. Creatura creatorem
Parit, virgo salvatorem
Nostro medicamine,

10 a. Hic est fortis vincens fortem,
Nostraemortis delens sortem,
Degustans pro nobis mortem
Sua pro clementia,

10 b. Sauciatus in iumento,

Carnis tectus velamento,
Ne subactus sit tormento,
Sola porta gratia.

11 a. Scala caeli, porta vitae
Pandit nobis iter vitae,
Quo refecti ligno vitae
Adeamus patriam.

11b. Fons, origo pietatis,
Reos lavans a peccatis,
Culpis cunctis expiatis
Nobis dona veniam.

12 a. Mater patris, iube natum,
Ora patrem, ut reatum
Solvat gratis, miserorum
Nexus graves peccatorum
Pie data venia ;

12 b. Quo post huius vitae gressum

Pandat nobis et ingressum

Aulae caeli refulgentis,

Regni Dei permanentis

In aeterna gloria.