176. De sancto Donato Aretino Ep.

1. Laudes Deo dignas
concinat omnis aetas

2 a. Magni praesulis celebrans
Donati diem sollemnem cum
gloria,

2 b. In qua ad alta sidera
collocandam reddidit Deo
animam.

3 a. Hodie in astris

gaudent cuncta angelorum
atque resultant agmina.

3 b. Gaudeat quapropter

plebs devota, digna semper
illius poscens merita.

4 a. Cuius virtus
fulsit praeclara,
dum visum recepit
Syranna caeca;

4b. Mox ut sacra
tincta est unda,
illuminata est
Christi gratia.

5 a. Gaudet Aretina patria
eius [aiiro]
obtentu lustrata,

5 b. Quia calix fractus ruerat,
quem levita
sacer obtulerat.

6 a. O valde

calicis laudanda
ac beata ruina !

6 b. Donati

per quam laus praeclara
resonat in saecula.

7 a. In vitrea fractura
mutata est natura,
et in Donato virtus
ostensa est praeclara.

7b. Calicis nam fragmenta
[diversa iam] collecta
oratione facta
in unum sunt reiuncta.

8 a. Quem adhuc plebs tota
habet ad magna
miracula ;

8b. Draconis venena
extinxit ipse
pestifera.

9 a. Theodosii magni
filiam

daemonio liberans
patri reddidit sanam ;

9 b. Per quam non modica
praedia

dona atque maxima
possidet ecclesia.

10 a. Cuius clara miracula
perlustrant cunctas
patrias.

10 b. Eius sancta nos gratia
Deo commendet
semper assidua.

11. Laus et gloria

Christo per saecula.