101. De Omnibus Sanctis.

1. Cuncta in iubilo
personent redempta.

la. Omnes simul iucundemur
Et cunctorum veneremur
Sanctorum sollemnia.

1 b. Hi sunt mundi contemptores,
Angelorum sectatores,
Ut docet ecclesia.

2 a. Hunc imprimis collaudemus,
Illi primi laudem demus,
Qui creavit omnia.

2b. Exaltemus consequenter
Illam matrem, quae decenter
Est repleta gratia.

3 a. His summi chori caelitus
Adnectatur contio,
Qui natura est spiritus,
Angelus officio.

3 b. Patriarchis et prophetis
Adplaudant praeconia,
Quibus fide et spe spretis
Summa datur gloria.

4 a. Lucem mundi, solem terrae
Laude decet nos efferre,
Sicut iubet veritas.

4b. Hos sequantur Christi testes,
Dum dealbant suas vestes,
Agni tenent semitas.

5 a. Confessorum sacer cborus
Et virginum castus thorus
His intra sunt laudibus.

5 b. Dignos laude iudicavit
Christus quosque laureavit
In paternis sedibus.

6 a. Nos, quos vergit in hoc mundo
Vita lapsus quotiens,

6 b. Quos demergit in profundo
Charybdis insiliens,

7 a. Horum preces imploremus
Et reatus propere

7 b. Omnes faeces explemus
Corde, ore, opere.

8 a. Non avertat ab hac laude
Flagitium quempiam,
Quisque vertat et a fraude
Mentem mutet turpiam.

8 b. Qui accusat se fallacem,
Ad Deum convertitur,
Et excusat se veracem,
Hunc Deus fatebitur.

9 a. Qui nos monet interesse
Sanctorum sollemniis,

9b. Nobis donet secum esse
In aeternis gaudiis.