328. De sancto Zenone.

la. Sidus fulget in Verona,-
Laude dignum et corona,
Missum de Armenia;

1b. Sidus istud nocte claret,
In quo fulget et apparet
Dei providentia.

2 a. Zeno servat stellae formam,
Verae lucis sequens normam
Conculcando vitia.

2 b. Vere missus est a Deo,
Quod colligitur ex eo,
Dum a pueritia

3 a. Crescit iuventutis flore
Unguentorum in odore
Currens cnm laetitia.

3 b. Odor iste sic excrevit
Et crescendo sic replevit
Loca mundi varia,

4 a. Quod ad cultum Christi gentes
Traxit idola colentes,
Ductas per inania.

4 b. Sic obtentu sanctitatis
Est creatus civitatis
Praesul in ecclesia.

5 a. Pauper praesul et patronus
Piscatoris sumit onus
Contemnendo grandia,

5 b. Pisces hamo, viros ore
Piscatoris capit more
Bina per officia.

6 a. Cursu traxit in errorem
Boves, curram et ductorem
Daemonis versutia,

6 b. Quos et motum irae trucis
Facit stare signo crucis
Piscatoris gratia.

7 a. Mutat daemon loca tristis
Tam in illis quam in istis
Sua figens iacula.

7 b. Regis Gratiam natam
Isto daemone vexatam
Curant huius merita.

8 a. Atex tandem intumescit,
Timor famis invalescit
Per tanta diluvia;

8 b. Muri stetit ad exemplum,
Nec intravit aqua templum
Sancti per oracula.

9 a. Cuius ope surdi, muti,
Claudi, caeci restituti
Praedicant miracula.

9 b. Ergo, pastor civitatis,
Cuius est in Syrti ratis
Et multa miseria,

10 a. Illam cures tua prece,
Nos ab omni lava facee
Per tua precamina,

10 b. Ut a malis expiati
Praesentemur trinitati
Cum sanctis in gloria.