204. De sancto Hieronymo.

1 a. Gaude, virgo, sponsa Christi,
Quac doctorem genuisti
Virginem Hieronymum.

1b. Laudes eius iubilantes
Veneremur, celebrantes
Diem festum maximum

2 a. Oriundus de Stridone,
Romae legens in Platone
Iugiter et Tullio,

2 b. Raptus ante tribunal iudicis
Flagellatur, divini codicis
Mancipatur studio.

3 a. Iunctus hic devoto clero
Rubicundo sub galero
Rexit templi cardinem.

3 b. Orans, arguens abusus
Plurimorum, his delusus
Sprevit celsitudinem.

4 a. Sacrum dogma christianum
Constantinopolitanum
Sumit per Gregorium.

4 b. Uastam solitudinem,
Asperam crepidinem
Petit inde montium.

5 a. Summa paenitentia,
Flagellis, inedia

Carnem domat, atterit.

5 b. Inde sanctus remeat
Bethlehem, ut doceat,
Numen quod adnuerit.

6 a. Exiendo templum Dei,
Quidquid canonis Hebraei
Continent volumina,

6 b. Ruminavit exponendo,
In Romanis transferendo
Literas et nomina.

7 a. Officiorum

Ordo cunctorum

Primus per hunc claruit ;

7 b. Nec admirari
Cuncta nec fari

[Potes], quae composuit.

8 a. Illustravit orbem totum
Propinando vitae potum
Filiis ecclesiae.

8 b. Monachis, quos adgregavit,
Et virginibus dictavit
Nomen pudicitiae.

9 a. Uere pater inclitus,
Cuius fulget transitus
Luce fusa caelitus.

9 b. Sacco vili tegitur,
Humo nudus ponitur,
Fratres docens (cum) moritur.

10 a. Sonant dulces melodiae,
Adest Christus neci piae,
Assunt omnes ierarchiae
Supernorum civium ;

10 b. Uia lucis, quae decorum
Ducit in terram, binorum
Chorus regis angelorum
Lumina ferentium.

11a. Mira cernit haec Cyrillus;
Augustini quoque stilus
Scribit, quod haec anima

11b. Mortis hora lucet fulta
[Christo] sibi et occulta
Revelavit intima.

12 a. Uoces, cantus, dum ascendit
Pater sanctus, apprehendit
Severus cum sociis.

12 b. Sic Baptistae et par iste
Revelatur, comprobatur
Caelestibus nuntiis.

13 a. Donat vitam tribus functis
Graecis, haeresi compunctis,
Et Silvanum bis a cunctis
Liberavit aemulis.

13 b. Opem donis iste binis
Contulit Alexandrinis
Et Romanis peregrinis
Necis in periculis.

14 a. Caedit hostem eius vultus,
Percussoris pavet ultus
Pravitate, cuius cultus
Cito prodest famulo.

14 b. Terra sacris membris cedit,
Caius corpus aegris redit,
Sacramembrapostquamreddit
Exhibitor tumulo.

15 a. Obsecremus redemptorem,
Qui Ieronymum doctorem
Verbo, signis et exemplo,
Quasi solem eius templo,
Contulit clarescere.

15 b. Refovendo sua prece

Nos purget ab omni faece,
Ut micante alma luce
Donet pius ipso duce
Regna caeli scandere.