3. In Nativitate Domini.

1. Ecce, adnuntio,

christieolae, magnum gaudium,

2 a. Quod erit universae
terrae omnique populo:

2 b. Est quia nobis natus
mundi salvator hodie.

3 a. Virgo quem peperit
divinitus,
non hominis ex semine;

3 b. Olim nuntiavit;
hoc virgini
nam Gabriel archangelus.

4 a. Per virginem natus est
rex polorum
factorque hominum,

4b. Ut hominem perditum
vocaret ad
regna aetherea,

5 a. Quem chelydrus decepit
per lignum vetitum.

Non amisit, quod erat
apud Deum, verbum,
sed sumpsit
hominem, quod non erat.

5 b. Homo natus parvulis
tegitur stragulis,

Praesaepio iacet
cunabulis parvulus
et caelum
cum patre continet.

6 a. Ut homo

alitus, sed divinitus

non nostris opibus indiget:

6 b. Lac datur

infantulo esurienti,

qui cuncta creat animantia.

7 a. Quam felix uterus
(est) genetricis,
qui invisibilem portavit,
quem capere non
queunt throni aetherei!

7 b. A Moysen usque
ad Iohannem

praecursorem atque baptistam
cuncti prophetae
praeconati sunt Dominum.

8 a. Pastores pervigilantes
supra gregem viderunt
choros angelicos

8b. Psallentes atque dicentes:
In excelsis gloria
sit nato Domino,

9. Cui est honor et potestas
imperiumque sine fine
per omnia saecula.