8. In Nativitate Domini.

1. Christum natum nova
demonstrant sidera.

2 a. Pastores sacras
excolunt vigilias,

2b. Curam praetendunt
suo gregi debitam.

3 a. Ideo fulsit
lux eis rutila

3b. Magno timore
percellens pectora.

4 a. Quos civis adloquitur
voce supernus placida:

4b. Ne pavete, inquiens,
ecce, assunt remedia,

5 a. Quae cunctos populos laetos
reddant nascentis gratia;

5 b. Quia processit omnibus
salus et vitae gaudia.

6 a. Invenietis regentem

pulchram mundi machinam,

6 b. Pro salute vagientem
nostra inter volucra.

7 a. Mox caelestis multitudo
adplaudit consonanter

iubilans:
In excelsis gloria

7 b. Et in terra, voluntatis
pax quos decorat, prose-
quatur et
comitetur bonitas.

8 a. Omnis ergo nostra contio
patris aetemo filio
laudes recitat,

8 b. Casta qui de matre voluit
nasci, quos creavit visi-
tando miserans ;

9 a. Suppliciterque deposcat,
eius pia clementia

9 b. Huius diei ut donet
perfrui nos laetitia.

10 a. Ave, felix virgo
semper, Maria,
praecelsi regis ianua,

10 b. Tu vocalis stella
maris et iure
totius orbis domina.

11a. Ubere beato

lactans Dominum
angelorum replentem omnia.

11b. Quaesumus [te] iam nunc,
nostra offer tu
vota genito super aethera,

12 a. Ut qui temporalis
[eius] nativitatis
Concelebramus
sollemnitatem,
vitae praesentis commoda

12b. Sic nunc percurramus,
ut angelorum cboris
Consociati
suavitate
melica nova cantica

13 a. Caterva dicat nostra,

13b. Concordi voce clamans:

14. Alleluia.