10. In Nativitate Domini.

1 a. Obstupescat natura
Frustrari sua iura
In partu virginis,

Ib. Cum ius sit virginale
Praenaturatum tale
In.........

2 a. Sed praerogativavit
Unam naturans David
Ex fructu seminis,

2 b. In qua se humanavit
Statumque reparavit
Humani generis,

3a. Ab Adam protoplasto
Damnati pomo pasto
Suggestu daemonis,

3 b. Repulsae paradisi
Cur paruit ex nisi
Mucrone Cberubis,

4 a. Haec Adam transgressoria

Voluptas caeli gloria

Seclusit posteros

4b. Cunctos humani seminis,
In quos natura criminis
Lex fluxit miseros.

5 a. Sic, heu, in nos angaria
Mortis sempiternaria
Simplex et necessaria
Venit Adigenas,

5 b. Quos a tali exitio
Nulla unquam condicio
Solvisset nec a vitio
Pura impunitas.

6 a. Quod, heu, sanctorum milia
Senserunt, qui exsilia
Inferna subierunt,

6 b. Et prophetarum numerus,
Quos absumebat inferus,
Nunc locus miserorum.

7 a. Sed caeli rex omniparens,
Nobis paterne condolens,
Damni necessitatem

7 b. Per sui mortem filii
Redegit in arbitrii
Volentis libertatem.

8 a. Qui Gabrielis nuntio
Et spiritus umbraculo
In virginis Mariae

8 b. Homo effectus utero

Tamquam sponsus de thalamo
In hoc est natus die,

9 a. Verus Deus, purus homo,
De virginali alvi domo,

9 b. Nostrae carnis armatura
Contectus, in quaperpraedura

10. Morte crucis pocula
Nostra solvit debita.