11. In Nativitate Domini.

1 a. Nostro condoluit
Pater exsilio,
Unde consuluit,
Nobis in filio.

Ib. Res mira geritur
Miro consilio,
Dum carne regitur
Aeterna ratio.

2 a. Nostra dum latuit

In carne deitas,

Per carnem patuit

Nobis divinitas ;

2b. Dum stellae claruit
Stupenda novitas,
Caelorum genuit
Regem virginitas.

3 a. Latet in praesaepio,
Rutilat in sidere,
Parvus in tugurio

Magnus est in aethere.

3b. Qui creavit omnia

Suo quaeque pondere,
Mater plena gratia
Dulci lactat ubere.

4 a. Sic creator omnium,
Angelorum gloria
Virginale gremium
Praeditavit gratia.

ib ........

Ut hic et non alius
Sit, et haec non alia.

5 a. Haec est vellus Gedeonis,
Haec est thronus Salomonis,
Haec est solis regia ;

5 b. Haec est stella mater solis,
Quem tu credis, quem tu colis,
Fidelis ecclesia.

6 a. Solem clausit in se stella
Totum claudens clausa cella,
Quem non claudunt omnia.

6b. Hic est noster Elisaeus,
Verus homo, verus Deus,
Cui laus et gloria.