15. In Inventione s. Crucis.

1 a. Sanctae crucis celebremus
devotione veneranda

Ib. Signaculum triumphale,

per quod salutis sacramentum

2 a. Sumpsimus,

culpa qui pro parentis, heu,
eramus exsules
facti patriae.

2 b. Redempti

ergo gratias agamus,
per lignum qui sanctae
redemit crucis

3 a. Et meritis, nos
quamvis indigni,
visitavit gratuita
de pietate.

3 b. In Domini crucifixi

laude consona
voce melliflua

concinamus cantica.

4 a. O crux gloriosa, o crux
veneranda,
quae pretium mundi
ferre tu meruisti,

4b. Salva praesentem
humilem plebem
in laude tua hodie
[hic] congregatam,

5. Quae sola fuisti

portare digna talentum.