17. In Inventione s. Crucis.

1 a. Laude multisona
nostrarum virium
intima

Christo triumphatori
nova cantant iubila,

Ib. Atque victoriam,
quae fortis abstulit
spolia,

simul promamus
parique symphonia.

2 a. En, crux alma

super fulget aethera,
qua pependit
David proles inclita ;

2 b. Namque David,
humilis agonista,
stravit Goliam
secussa fundibula.

3 a. Noster interea
rex fortissimus
in cruce sancta
morte spontanea
Purgavit crimina,
quae contraxerat
originalis natura
sauciata

protoplasti Adae
metuendo scelere.

3 b. Cerberi faucibus
fidelissima
famulantia
subtraxit pignora
Fortemque zabulon,
de victoria
callida praesumptione
iactitantem,
cum sua coniuge
demersit in barathro.

4 a. Crucis igitur

stigmata deferentes in
nostris assidue cordibus
impressa,

4b. Per quae omnium
valeamus abdicare
phantasticorum spirituum
scandala.

5 a. Ergo noster est
novus David
semper extollendus
sede deifica,

5 b. Qui suam nobis
singularis

machinam crucis sanc-
tificat tropaea.

6. Illi caelestia

iubilent sancta agmina

nosque laetemur in cruce sancta.